ព្រះសីហនុ ៖មានគ្រោះថ្នាក់ចរាចរណ៍មួយរវាងរថយន្ត៥គ្រឿងបុកបន្តគ្នាបណ្ដាលឱ្យរងការខូចខាតរៀងខ្លួន កាលពីម៉ោងជាង២រសៀល ថ្ងៃទី១៥ខែតុលាឆ្នាំ២០២១ នៅចន្លោះគីឡូម៉ែត្រលេខ១២០-១២១ ស្ថិតក្នុងភូមិស្ទឹងសំរោង ឃុំអូរបាក់រទេះ។ សមត្ថកិច្ចបានបញ្ជាក់ថា រថយន្តលុចសុីស បើកបរទិសដៅពីភ្នំពេញទៅខេត្តព្រះសីហនុ ចំណែក៤គ្រឿងទៀត ទិសដៅផ្ទុយគ្នា ដោយរថយន្តចំនួន៥គ្រឿង រួមមាន៖ ១-រថយន្តម៉ាក (ស្ដារិច) ពណ៌ទឹកប្រាក់ ពាក់ស្លាកលេខ ភ្នំពេញ-2BB 0406 អ្នកបើកបររថយន្តឈ្មោះ លី ចាន់ដារ៉ា ភេទប្រុស អាយុ៣៥ឆ្នាំ ទីលំនៅភូមិជ្រោយដង ឃុំសំរោងធំ ស្រុកកៀនស្វាយ ខេត្តកណ្ដាល។ ២-រថយន្តម៉ាក (ស្តារិច) ពណ៌ទឹកប្រាក់ ពាក់ស្លាកលេខ ភ្នំពេញ-2BB 8028 អ្នកបើកបររថយន្ត ឈ្មោះ គឹម សំណាង ភេទប្រុស អាយុ៤៤ឆ្នាំ ទីលំនៅភូមិដុល ឃុំសន្លុង ស្រុកខ្សាច់កណ្ដាល ខេត្តកណ្ដាល។ ៣-រថយន្តម៉ាក (ហុីយ៉ាន់ដាយ) ប្រភេទឡានស្ទូច ពណ៌ទឹកប្រាក់ ពាក់ស្លាកលេខ ភ្នំពេញ-2AD 7546 អ្នកបើកបររថយន្ត ឈ្មោះ ឈួយ សុង ភេទប្រុស អាយុ៤៧ឆ្នាំ ទីលំនៅភូមិចុងកោះធំ ឃុំកោះធំ ស្រុកកោះធំ ខេត្តកណ្តាល។ ៤-រថយន្ត (កុងតឺន័រ) ពណ៌លឿងលាយខៀវ ពាក់ស្លាកលេខ ភ្នំពេញ 4A-0723 អ្នកបើកបររថយន្ត រត់គេចខ្លួនបាត់ (មិនស្គាល់អត្តសញ្ញាណ)។ ៥- រថយន្ត (លុច្សសុីស) ពណ៌ប្រផេះ ពាក់ស្លាកលេខ ភ្នំពេញ 2BE 3163 អ្នកបើកបររថយន្តឈ្មោះ ញ៉ែម សាមុីត ភេទប្រុស អាយុ៤២ឆ្នាំ ទីលំនៅភូមិទី២ សង្កាត់វាលវង់ ក្រុងកំពង់ចាម ខេត្តកំពង់ចាម (រងរបួសស្រាល)។ ក្នុងហេតុការណ៍នេះ មិនមានមនុស្សរងគ្រោះដល់អាយុជីវិតនោះទេ ក្រោយកើតហេតុ សមត្ថកិច្ចបានយករថយន្តទាំង០៥គ្រឿងយកទៅរក្សាទុកនៅអធិការដ្ឋាននគរបាលស្រុកកំពង់សីលា ររង់ចាំធ្វេីការដោះស្រា៕
