-->

ផ្សាយពាណិជ្ជកម្ម
គេហទំព័រ WWW.KMSTVONLINE.COM ទីស្នាក់ការកណ្តាល : លេខ៤៨អឺ០ ភូមិ៣ ផ្លូវ៣៤៨ សង្កាត់បឹងកេងកង៣ ខណ្ឌបឹងកេងកង ភ្នំពេញ ទំនាក់ទំនង Tele: 012 880 593 >



ផ្សាយពាណិជ្ជកម្ម
គេហទំព័រ WWW.KMSTVONLINE.COM ទីស្នាក់ការកណ្តាល : លេខ៤៨អឺ០ ភូមិ៣ ផ្លូវ៣៤៨ សង្កាត់បឹងកេងកង៣ ខណ្ឌបឹងកេងកង ភ្នំពេញ ទំនាក់ទំនង Tele: 012 880 593 >

ព័ត៌មានប្រចាំថ្ងៃ

ទំនិញឆ្លងកាត់កំពង់ផែស្វយ័តក្រុងព្រះសីហនុក្នុងឆ្នាំកន្លងទៅ កើនក្នុងតម្លៃជិត១៨ភាគរយ

ចំនួនអ្នកទស្សនា: Views

  



ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសា ធារណការ និងដឹកជញ្ជូន បានឱ្យដឹងថា ទំនិញឆ្លងកាត់កំពង់ផែស្វយ័តក្រុងព្រះសីហ នុក្នុងឆ្នាំ២០២១ មានចំនួនជាង៦,៩លានតោន ដោយកើនឡើង៥,៩៩ភាគរយ និងមានចំណូលសរុបជាង៣៧៣ ប៊ីលានរៀល កើនឡើង ១៧,៦៤ភាគរយ បើធៀបនឹងការអនុវត្តឆ្នាំ២០២០។ 



ថ្លែងក្នុងពិធីសន្និបាតបូក សរុបលទ្ធផលការងារឆ្នាំ ២០២១ និងលើកទិសដៅការងារឆ្នាំ២០២២ នៅថ្ងៃទី ២៧ ខែមករានេះ ឯកឧត្តមទេសរដ្ឋមន្ត្រី បញ្ជាក់ថា ដើម្បីបំពេញតម្រូវការនូវកំណើនចេញចូលកំពង់ផែនេះ រាជ រដ្ឋាភិបាលបាននិងកំពុងសិក្សាជាមួយទីភ្នាក់ងារសហប្រតិបត្តិការអន្តរជាតិជប៉ុន ហៅកាត់ JICA ក្នុងការអភិវឌ្ឍ និងធ្វើទំនើបកម្មចំណតផែកុងតឺន័រថ្មី សំដៅប្រែក្លាយជាកំពង់ផែក្នុងតំបន់ដ៏មានសក្តានុពល ក្នុងការគាំ ទ្រដល់កំណើនសេដ្ឋកិច្ចជាតិនិងកាត់បន្ថយភាពក្រីក្រ។

ដោយឡែក សម្រាប់ការងារកំពង់ផែស្វយ័តភ្នំពេញវិញ 
ឯកឧត្តម ទេសរដ្ឋមន្ត្រី ស៊ុន ចាន់ថុល បានឱ្យដឹងថា ក្នុងឆ្នាំកន្លងទៅនេះ មានទំនិញ- ប្រេងឥន្ធនៈ និងហ្គាសឆ្លង កាត់ប្រមាណ៤,២លានតោន កើនឡើង ១៣,៤១ភាគរយ និងចំណូលសរុបមានចំនួនប្រមាណ១៣៨ប៊ីលានរៀល កើនឡើង ១៤,៣៧ភាគរយ ធៀបនឹងការអនុវត្តឆ្នាំ២០២០ បន្ទាប់ពីបានដាក់ឱ្យដំណើរ ការគម្រោងពង្រីកហេដ្ឋារចនា សម្ព័ន្ធជំហានទី៣ ដំណាក់ កាលទី១ នៅចំណតកំពង់ផែកុងតឺន័រ LM១៧ ដែលសមត្ថភាពផ្ទុកកុងតឺន័រ បានសរុបចំនួន ៤ម៉ឺនTEUs ក្នុងមួយឆ្នាំ។

 ឯកឧត្តម ទេសរដ្ឋមន្ត្រី បាន ឱ្យដឹងបន្ថែមថា គម្រោងសិក្សាសមិទ្ធលទ្ធភាពការងារសាងសង់ចំណតផែនៅទន្លេ បិទ ជាមួយក្រុមហ៊ុនសំណង់សៀងហៃ (SCG) បានបញ្ចប់រួចរាល់ហើយ ខណៈបានចាប់ ផ្តើមអភិវឌ្ឍន៍ចំណតផែរណបនៅគីឡូម៉ែត្រលេខ៦។ 

ជាមួយគ្នានេះ បានសិក្សាវាស់ស្ទង់បាតទន្លេ រួមទាំងពិនិត្យតាមដាន និងប្រមូលទិន្នន័យជម្រៅទឹកប្រឡាយនាវាចរណ៍ ដែលស្ថិតក្នុងតំបន់ចតុមុខ ទន្លេមេគង្គលើ និងទន្លេមេគង្គក្រោម រួមទាំងចំណតផែកោះរកា ចំណតផែកុងតឺន័រថ្មី និងចំណតផែទន្លេបិទ ស្របពេលបាននិងកំពុងអភិវឌ្ឍចំណតផែរណបតាមដងទន្លេមួយចំនួន ដើម្បីជាយុទ្ធសាស្ត្រជំរុញការដឹក ជញ្ជូនតាមផ្លូវទឹក៕

0 comments:

 
គេហទំព័រ WWW.KMSTVONLINE.COM ទីស្នាក់ការកណ្តាល : លេខ៤៨អឺ០ ភូមិ៣ ផ្លូវ៣៤៨ សង្កាត់បឹងកេងកង៣ ខណ្ឌបឹងកេងកង ភ្នំពេញ ទំនាក់ទំនង Tele: 012 880 593