សម្ដេចតេជោ ហ៊ុន សែន៖ បើទោះបីជាត្រូវធ្វើសង្គ្រាមដើម្បីការពារថ្ងៃ៧មករា ក៏ហ៊ានធ្វើដែរ

 ភ្នំពេញ: ថ្ងៃទី៣១ ខែមករា ឆ្នាំ២០២២

ក្នុងខណៈដែលមានអ្នកវិភាគមួយចំនួនបានលើកឡើងថា គណបក្សប្រជាជនកម្ពុជាមិន បានប្រារព្ធពិធីបុណ្យថ្ងៃរំដោះ៧មករា ហាក់ដូចជាបាន និងកំពុងដកខ្លួនថយចេញពីឥទ្ធិ ពលរបស់វៀតណាមនោះ ប្រមុខរាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន បានថ្លែងថា គ្មានពេលណាដែលគណបក្សប្រជាជន និងប្រជាជនកម្ពុជា ដែលបានរស់រានមានជីវិតដោយសារ៧មករា បំភ្លេចថ្ងៃ៧មករានោះទេ បើទោះបីជាត្រូវធ្វើសង្គ្រាមដើម្បីការពារ៧មករា ក៏ហ៊ានធ្វើដែរ។

ក្នុងពិធីបើកការដ្ឋានសាងសង់ស្ពានអាកាសតាមបណ្ដោយផ្លូវជាតិលេខ៥ ត្រង់ចំណុចប្រសព្វស្ពានឫស្សីកែវ ឆ្លងកាត់ទន្លេសាប នាព្រឹកថ្ងៃទី៣១ ខែមករា ឆ្នាំ២០២២ នៅខណ្ឌឬស្សីកែវ រាជធានីភ្នំពេញ សម្ដេចតេជោ ហ៊ុន សែន មានប្រសាសន៍ថា ក្នុងពេលដែលឆ្នាំ២០២០ និងឆ្នាំ២០២១ គណបក្សប្រជាជនកម្ពុជាមិនបានប្រារព្ធពិធីបុណ្យថ្ងៃរំដោះ៧មករានោះ មានគេវិភាគថាគណបក្សប្រជាជនកម្ពុជាហាក់ដូចជាបាននិងកំពុងដកខ្លួនថយចេញពីឥទ្ធិពលរបស់វៀតណាម។ សម្ដេចតេជោបានបញ្ជាក់ទៅអស់លោកបណ្ឌិតទាំងឡាយដែលធ្វើការវិភាគរបៀបនេះថា «គ្មានពេលណាដែលគណបក្សប្រជាជន និងប្រជាជនកម្ពុជា ដែលបានរស់រានមានជីវិតដោយសារ៧មករា បំភ្លេចថ្ងៃ៧មករានោះទេ អ្នកត្រូវចាំត្រង់កន្លែងហ្នឹង»។ សម្ដេចតេជោគូសបញ្ជាក់ថា «បើទោះបីជាត្រូវធ្វើសង្គ្រាម ដើម្បីការពារ៧មករា ក៏ហ៊ានធ្វើដែរ»។ ប៉ុន្តែគណបក្សប្រជាជនមានការចាំបាច់ដើម្បីបញ្ជូនសារទៅកាន់ជនរួមជាតិរបស់ខ្លួនថា សម័យកូវីដ១៩ ត្រូវតែមានការប្រុងប្រយ័ត្ន សូម្បីតែបុណ្យដែលមានចុះក្នុងប្រតិទិននៃការឈប់សម្រាក ក៏គណបក្សប្រជាជនមានការប្រយ័ត្នប្រយែងក្នុងការធ្វើ ដើម្បីកុំឱ្យគណបក្សប្រជាជនក្លាយទៅជាចំណុចផ្ទុះនៃកូវីដ១៩។

សម្ដេចតេជោនាយករដ្ឋមន្ត្រីលើកឡើងថា រឿង៧មករាទោះបីជាវៀតណាមមកជួយ ក៏ប៉ុន្តែជាជីវិតរបស់ប្រជាជនកម្ពុជា។ សូមផ្ដាំត្រឡប់ទៅវិញឱ្យយល់ឱ្យភ្លឺភ្នែក។ ៧មករា គឺជាក្បាលរបស់យើងទាំងអស់គ្នា ក្បាលមនុស្សខ្មែរទាំងអស់គ្នា ទោះបីអ្នកឯងមិនស្គាល់ ជារឿងរបស់អ្នកឯង ក៏ប៉ុន្តែគ្មានពេលណាដែលគណបក្សប្រជាជនបោះបង់ចោល៧មករាទេ។ តែគណបក្សប្រជាជនមានការចាំបាច់ ដើម្បីបញ្ជូនសារនៃការប្រុងប្រយ័ត្នសម្រាប់ការរៀបចំពិធីនានា។ គ្មានពេលណាមួយ ដែលគណបក្សប្រជាជនបោះបង់ចោលនូវអ្វីដែលជាសមិទ្ធផលចម្បងរបស់ខ្លួនទេ។ សម្ដេចតេជោថ្លែងទៀតថា “អ្នកវិភាគស្ទើរភ្លើងខ្លះគួរត្រូវបានសិក្សាឱ្យច្បាស់ ហើយបើគណបក្សប្រជាជនបោះបង់ចោល៧មករា មានន័យថាគណបក្សប្រជាជនអត់បានធ្វើអ្វីកាលពីអតីតកាល។ អីចឹងគេគិតថា មិនធ្វើបុណ្យ៧មករា គឺគណបក្សប្រជាជនហាក់ដូចជាបានដកថយចេញពីឥទ្ធិពលរបស់វៀតណាម។ រឿងនេះវៀតណាមពិតជាបានមកជួយកម្ពុជា ប៉ុន្តែវាជាផលប្រយោជន៍របស់ប្រជាជនកម្ពុជាទេតើ។ នេះខ្ញុំគ្រាន់តែបកស្រាយត្រឡប់ទៅវិញ”៕ដោយ ជឹម ណារី សម្រួលផ្សាយដោយ៖ dara

(សូមអានបន្ត)

អភិបាលរាជធានី ស្នើសូមឱ្យទូតអារ៉ាប៊ីសាអ៊ូឌីតជួយអំពាវនាវអ្នកវិនិយោគទុន មកបណ្ដាក់ទុន រកស៊ីឱ្យបានច្រើន នៅរាជធានីភ្នំពេញ

ភ្នំពេញ៖ ឯកឧត្ដមឃួង ស្រេង អភិបាលនៃគណៈអភិបាលរាជធានីភ្នំពេញ បានស្នើសូមឱ្យឯកអគ្គរាជទូតអារ៉ាប៊ីសាអ៊ូ ឌីតប្រចាំព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាម មាននិវសនដ្ឋាននៅទីក្រុងហាណូយ ឱ្យជួយអំពាវនាវ ទៅដល់អ្នកវិនិយោគទុន ប្រទេសអាល់សូវៃលឹម (H.E Saul F.MAL Suwelim) ឯកអគ្គរាជទូតអារ៉ាប៊ីសាអ៊ូឌីតប្រចាំព្រះរាជាណាចក្រអារ៉ាប៊ីសាអ៊ូឌីត មកវិនិយោគ បណ្ដាក់ទុន រកស៊ីនៅរាជធានីភ្នំពេញឱ្យបានច្រើន ខណៈដែលរាជធានីភ្នំពេញបានបើកសេដ្ឋកិច្ចឡើងវិញ ក្រោយពីជំងឺកូវីដ-១៩មានភាពធូរស្រាល ដែលអាចទប់ស្កាត់ការរីករាលដាលជំងឺនេះបានល្អប្រសើរ។

 ការស្នើឡើងបែបនេះ របស់ឯកឧត្ដមកឃួង ស្រេង បានធ្វើការឡើងកាលពីល្ងាចថ្ងៃទី ២៨ មករាឆ្នាំ២០២២ ក្នុងជំនួបសំដែងការគួរសម ជា មួយឯកឧត្ដម ហ្វាហាត់ សាអ៊ូឌ កដមស្នើសូមឱ្យឯកម្ពុជា និងសាធារណរដ្ឋសង្គមនិយមវៀតណាម មាននិវសនដ្ឋាននៅទីក្រុងហាណូយ នៅសាលារាជធានីភ្នំពេញ។

 នបង្ការទប់ស្កាត់ជំងឺកូវីដ-១៩ បានយ៉ាងល្អ ដោយ សារក្រោមការដឹកនាំរបស់សម្ដេចតេជោហ៊ុន សែន បានស្រោចវ៉ាក់សាំងការពារជំងឺកូវីដ-១៩ បានល្អ រហូតទទួលបានចំណាត់ថ្នាក់លេខ៣ លើពិភពលោក និងបានបើកសេដ្ឋកិច្ចប្រទេសឡើងវិញផងដែរ។ ទន្ទឹមនឹងនេះ 

ឯកឧត្អគ្គរាជទូតអារ៉ាប៊ី សាអ៊ូឌីតប្រចាំព្រះរាជាណា ចក្រកម្ពុជា និងសាធារណរដ្ឋសង្គមនិយមវៀតណាម មាននិវសនដ្ឋាននៅទីក្រុងហា ណូយ ជួយអំពាវនាវ ទៅអ្នកវិនិយោគទុន ពីប្រទេសអារ៉ាប៊ីសាអ៊ូឌីតមកវិនិយោគ បណ្ដាក់ទុន រកស៊ីនៅរាជធានីភ្នំពេញឱ្យបានច្រើនដូចជាទៅ លើហេដ្ឋារចនាសម្ព័ន្ធផ្សេង ទៀត មានទាំង លូ ប្រឡាយ ទឹកជាដើម ។

 ឯកឧត្ដមឃួង ស្រេង ក៏បានថ្លែងនូវការអរគុណផងដែរចំពោះបំណងល្អរបស់អារ៉ាប៊ី សាអ៊ូឌីតលើ ការកម្ចីឥណ ទាន ក្នុងការកសាងនូវហេដ្ឋា រចនាសម្ព័ន្ធរូបវ័ន្តនៅកម្ពុជា តាមរយៈការសម្របសម្រួលពីលោកឧកញ៉ាអូស្មាន់ហា ស្សាន់ ។ ឯកឧត្ដម ហ្វាហាត់ សាអ៊ូ អាល់សូវៃលឹម (H.E Saul F.MAL Suwelim) បានមានប្រសាសន៍លើកឡើងថា រាជធានីភ្នំពេញ ពិតជាមានភាពស្រស់បំព្រង ហើយក៏បានជំរុញឱ្យមានវិស័យទេស ចរណ៍នៃប្រទេសទាំងពីរកម្ពុជា -អារ៉ាប៊ីសាអូឌីត មានភាពល្អប្រសើរ ដោយប្រជា ពលរដ្ឋអារ៉ាប៊ីសាអូឌីត បានមកទេសចរណ៍នៅកម្ពុជា ច្រើន ហើយពលរដ្ឋកម្ពុជាក៏បានទៅទេសចរណ៍ នៅប្រទេសអារ៉ាប៊ីសាអូឌីត ច្រើនដែរ ។

 ឯកឧត្ដម មានបំណងចង់ចងសម្ព័ន្ធភាពឱ្យកាន់តែល្អប្រសើរជាមួយនឹងប្រទេសកម្ពុជា ក្នុងនោះ រដ្ឋមន្ត្រីក្រសួងការបរទេសអារ៉ាប៊ីសាអូឌីត មានបំណងមក ធ្វើ ទស្សនកិច្ចនៅប្រទេសកម្ពុជាដែរ ប៉ុន្តែត្រូវបានលើកពេលទៅវិញ ហើយគ្រោងនឹងមកទស្សនកិច្ចនៅប្រទេសកម្ពុជាក្នុងអំឡុងខែ មីនា ឆ្នាំ ២០២២ខាងមុខ។ 

 ឯកឧត្ដមបានទទួលស្គាល់ថា កម្ពុជាគឺជាប្រទេសមួយដែលមានលទ្ធិប្រជាធិបតេយ្យពេញលេញ ហើយក៏ជាប្រទេសមួយទប់ស្កាត់កូវីដ-១៩ បានយ៉ាងល្អប្រសើរផងដែរ។ ឯកឧត្ដមថា ប្រទេសអារ៉ាប៊ី សាអ៊ូឌីត គឺជាសមាជិកG២០ ជាប្រទេសមួយក្នុងចំណោមប្រទេសទាំង២០ ដែលជាប្រទេសអ្នកមាន ដែលធ្វើឱ្យអារ៉ាប៊ីសាអ៊ូឌីត មានជំនួយជាច្រើនលើវិស័យមនុស្សធម៌ជាទៅលើប្រទេសមួយចំនួនលើពិភពលោក ។

 សម្រាប់កម្ពុជា អារ៉ាប៊ីសាអ៊ូឌីតបានជួយផ្ដល់អាហាររូបករណ៌និស្សិតកម្ពុជាចំនួន ៨៥ កន្លែង ទាំងបរិញ្ញាបត្រនិងបណ្ឌិតផងដែរ៕

(សូមអានបន្ត)

Posted in: ព័ត៌មានជាតិ

ទំនិញឆ្លងកាត់កំពង់ផែស្វយ័តក្រុងព្រះសីហនុក្នុងឆ្នាំកន្លងទៅ កើនក្នុងតម្លៃជិត១៨ភាគរយ

  

ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសា ធារណការ និងដឹកជញ្ជូន បានឱ្យដឹងថា ទំនិញឆ្លងកាត់កំពង់ផែស្វយ័តក្រុងព្រះសីហ នុក្នុងឆ្នាំ២០២១ មានចំនួនជាង៦,៩លានតោន ដោយកើនឡើង៥,៩៩ភាគរយ និងមានចំណូលសរុបជាង៣៧៣ ប៊ីលានរៀល កើនឡើង ១៧,៦៤ភាគរយ បើធៀបនឹងការអនុវត្តឆ្នាំ២០២០។ 

ថ្លែងក្នុងពិធីសន្និបាតបូក សរុបលទ្ធផលការងារឆ្នាំ ២០២១ និងលើកទិសដៅការងារឆ្នាំ២០២២ នៅថ្ងៃទី ២៧ ខែមករានេះ ឯកឧត្តមទេសរដ្ឋមន្ត្រី បញ្ជាក់ថា ដើម្បីបំពេញតម្រូវការនូវកំណើនចេញចូលកំពង់ផែនេះ រាជ រដ្ឋាភិបាលបាននិងកំពុងសិក្សាជាមួយទីភ្នាក់ងារសហប្រតិបត្តិការអន្តរជាតិជប៉ុន ហៅកាត់ JICA ក្នុងការអភិវឌ្ឍ និងធ្វើទំនើបកម្មចំណតផែកុងតឺន័រថ្មី សំដៅប្រែក្លាយជាកំពង់ផែក្នុងតំបន់ដ៏មានសក្តានុពល ក្នុងការគាំ ទ្រដល់កំណើនសេដ្ឋកិច្ចជាតិនិងកាត់បន្ថយភាពក្រីក្រ។

ដោយឡែក សម្រាប់ការងារកំពង់ផែស្វយ័តភ្នំពេញវិញ 

ឯកឧត្តម ទេសរដ្ឋមន្ត្រី ស៊ុន ចាន់ថុល បានឱ្យដឹងថា ក្នុងឆ្នាំកន្លងទៅនេះ មានទំនិញ- ប្រេងឥន្ធនៈ និងហ្គាសឆ្លង កាត់ប្រមាណ៤,២លានតោន កើនឡើង ១៣,៤១ភាគរយ និងចំណូលសរុបមានចំនួនប្រមាណ១៣៨ប៊ីលានរៀល កើនឡើង ១៤,៣៧ភាគរយ ធៀបនឹងការអនុវត្តឆ្នាំ២០២០ បន្ទាប់ពីបានដាក់ឱ្យដំណើរ ការគម្រោងពង្រីកហេដ្ឋារចនា សម្ព័ន្ធជំហានទី៣ ដំណាក់ កាលទី១ នៅចំណតកំពង់ផែកុងតឺន័រ LM១៧ ដែលសមត្ថភាពផ្ទុកកុងតឺន័រ បានសរុបចំនួន ៤ម៉ឺនTEUs ក្នុងមួយឆ្នាំ។

 ឯកឧត្តម ទេសរដ្ឋមន្ត្រី បាន ឱ្យដឹងបន្ថែមថា គម្រោងសិក្សាសមិទ្ធលទ្ធភាពការងារសាងសង់ចំណតផែនៅទន្លេ បិទ ជាមួយក្រុមហ៊ុនសំណង់សៀងហៃ (SCG) បានបញ្ចប់រួចរាល់ហើយ ខណៈបានចាប់ ផ្តើមអភិវឌ្ឍន៍ចំណតផែរណបនៅគីឡូម៉ែត្រលេខ៦។ 

ជាមួយគ្នានេះ បានសិក្សាវាស់ស្ទង់បាតទន្លេ រួមទាំងពិនិត្យតាមដាន និងប្រមូលទិន្នន័យជម្រៅទឹកប្រឡាយនាវាចរណ៍ ដែលស្ថិតក្នុងតំបន់ចតុមុខ ទន្លេមេគង្គលើ និងទន្លេមេគង្គក្រោម រួមទាំងចំណតផែកោះរកា ចំណតផែកុងតឺន័រថ្មី និងចំណតផែទន្លេបិទ ស្របពេលបាននិងកំពុងអភិវឌ្ឍចំណតផែរណបតាមដងទន្លេមួយចំនួន ដើម្បីជាយុទ្ធសាស្ត្រជំរុញការដឹក ជញ្ជូនតាមផ្លូវទឹក៕

(សូមអានបន្ត)

Posted in: ព័ត៌មានជាតិ

អភិបាលខេត្តកណ្តាល: បើកការដ្ឋានស្ថាបនាលូបេតុង កំណាត់ផ្លូវជាតិលេខ២១ និង កំណាត់ផ្លូវលេខ២១០ ក្នុងក្រុងតាខ្មៅ ចេញផ្សាយ ថ្ងៃទី ២៧ ខែ មករា ឆ្នាំ ២០២២

  

 កណ្តាល : ថ្ងៃទី២៧ ខែមករា ឆ្នាំ២០២២ ឯកឧត្តម គង់ សោភ័ណ្ឌ អភិបាលខេត្តកណ្តាល នាព្រឹកថ្ងៃ៩រោច ខែបុស្ស ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃពុធ ទី២៦ ខែមករា ឆ្នាំ២០២២ បានអញ្ជើញជាអធិបតី ក្នុងពិធីបើកការដ្ឋានស្ថាបនាប្រព័ន្ធលូបេតុង និង រ៉ឺហ្គា លើកំណាត់ផ្លូវជាតិលេខ២១ និងកំណាត់ផ្លូវលេខ២១០ ស្ថិតក្នុងក្រុងតាខ្មៅ ខេត្តកណ្តាល ដែល ឧបត្ថម្ភសាងសង់ដោយក្រុមហ៊ុន បុរីភ្នំពេញថ្មី ។ 

 ឯកឧត្តម គង់ សោភ័ណ្ឌ បានមានប្រសាសន៍ថា ថ្ងៃនេះមិនមែនជាលើកទី១ទេ ដែលក្រុងតាខ្មៅមានការអភិវឌ្ឍ ប្រទេសជាតិមានការរីកចម្រើន ក្រោមការដឹកនាំរបស់សម្តេចតេជោ ហ៊ុន សែន ដោយមិនប្រកាន់ជាតិសាសន៍ ឬសាសនាឡើយ គឺរស់នៅក្រោមដំបូលតែមួយ ហេតុនេះបានជាគ្រប់ជាតិសាសន៍ និងសាសនាទាំងអស់រស់នៅជាមួយគ្នា យ៉ាងសុខដុមរមនា ។

 សមិទ្ធផលដែលកើតឡើងនៅក្នុងសម័យតេជោ រួមមាន៖ ហេដ្ឋារចនាសម្ព័ន្ធមានផ្លូវ ស្ពាន លូបង្ហូរទឹក សំណង់សាធារណៈផ្សេងៗទៀត មានការរីកលូតលាស់ឡើង ដោយសារការខិតខំប្រឹងប្រែងរបស់រាជរដ្ឋាភិបាល ទើបធ្វើឱ្យប្រទេសជាតិមានការរីកចម្រើនរហូតមកដល់សព្វថ្ងៃ។ ឯកឧត្តម អភិបាលខេត្តបានថ្លែងអំណរគុណ ចំពោះលោកឧកញ៉ា ប៊ុន ហៃ អគ្គនាយកក្រុមហ៊ុនបុរីភ្នំពេញថ្មី ដែលបានឆ្លើយតបនឹងការអំពាវនាវរបស់រដ្ឋបាលខេត្ត ក្នុងការចូលរួមស្ថាបនាលូបេតុងសរសៃដែកដែលមានមុខកាត់លូទំហំ១,៥ម៉ែត្រ ប្រវែង ៧៦២ម៉ែត្រ ដាក់រ៉ឺហ្គាទំហំ ៣ម៉ែត្រ គុណ ៣ម៉ែត្រ ចំនួន ៣៤កន្លែង តាមបណ្តោយផ្លូវជាតិលេខ២១នេះ ។ 

ស្ថាបនាលូបេតុងសរសៃដែក ដែលមានមុខកាត់លូទំហំ ១ម៉ែត្រ ប្រវែង ២៣២ម៉ែត្រ និងរ៉ឺហ្គា ទំហំ ១,៨ ម៉ែត្រ គុណ ១,៨ ម៉ែត្រ ចំនួន១៤កន្លែង តាមបណ្តោយផ្លូវជាតិលេខ២១០ ។ ដោយចំណាយថវិកាអស់ប្រមាណ ២ ០០០លានរៀល ឬស្មើនឹង៦០ម៉ឺនដុល្លារអាម៉េរិក ដែលនេះជាកាយវិការដ៏ល្អប្រពៃ និងជាគំរូដ៏ល្អ ដែលបានដាក់ទុនវិនិយោគក្នុងភូមិសាស្រ្តខេត្តកណ្តាល និងបានចូលរួមអភិវឌ្ឍន៍ក្នុងវិស័យសាធារណការ សំណង់សិល្បការ ដើម្បីទុកបម្រើជាប្រយោជន៍សាធារណៈ ។

 ជាមួយគ្នានេះ ឯកឧត្តម អភិបាលខេត្ត បានស្នើដល់អាជ្ញាធរមូលដ្ឋាន ត្រូវបន្តយកចិត្តទុកដាក់ពង្រឹងលើការអនុវត្តគោលនយោបាយ ភូមិ ឃុំ សង្កាត់ មានសុវត្ថិភាព។ ត្រូវផ្តល់សេវាសាធារណៈ ជាពិសេសសេវារដ្ឋបាលប្រកបដោយគុណភាព តម្លាភាព និងទទួលបានជំនឿទុកចិត្ត បង្រ្កាបបទល្មើស លួច ឆក់ ប្លន់ គ្រឿងញៀន ល្បែងស៊ីសងខុសច្បាប់ផ្សេងៗ។ ឯកឧត្តម ក៏បានអំពាវនាវដល់បងប្អូនប្រជាពលរដ្ឋទាំងអស់ មេត្តាយោគយល់អធ្យា ស្រ័យ ចំពោះផលប៉ះពាល់ នៅពេលការដ្ឋានដំណើរការ និងសូមចូលរួមសហការជាមួយមន្ត្រីបច្ចេកទេស ដើម្បីឱ្យការដ្ឋាននេះដំណើរការប្រកបដោយជោគជ័យ ៕ ដោយ ណយ នឿន (ប្រភពៈរដ្ឋបាលខេត្តកណ្តាល) សម្រួលផ្សាយដោយ៖ dara

(សូមអានបន្ត)

Posted in: ព័ត៌មានជាតិ

អាជ្ញាធរខេត្ត និង អគ្គិសនីកម្ពុជា បើកកិច្ចប្រជុំពិគ្រោះយោបល់លើផលប៉ះពាល់ គម្រោងសាងសង់ខ្សែបញ្ជូនអគ្គិសនី ក្នុងស្រុកមុខកំពូល និង ស្រុកខ្សាច់កណ្តាល

កណ្តាល: ថ្ងៃទី២៦ ខែមករា ឆ្នាំ ២០២២

នៅរសៀលថ្ងៃ៨រោច ខែបុស្ស ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃអង្គារ ទីទី២៥ ខែមករា ឆ្នាំ ២០២២ លោកណុប ដារ៉ា អភិបាលរងខេត្តកណ្តាល និង លោក ប្រាំង ជលសា អគ្គនាយករងអគ្គិសនីកម្ពុជា បានអញ្ជើញជាអធិបតីក្នុងកិច្ចប្រជុំពិគ្រោះយោបល់លើផលប៉ះពាល់ ក្នុងគម្រោងសាងសង់ខ្សែបញ្ជូនអគ្គិសនី ស្ថិតនៅក្នុង ស្រុកមុខកំពូល និង ស្រុកខ្សាច់កណ្តាល ខេត្តកណ្តាល។ ដោយបានការអញ្ជើញចូលរួមពីសំណាក់លោកអភិបាលស្រុកមុខកំពូល និងលោកអភិបាលស្រុកខ្សាច់កណ្តាល លោកមេឃុំ និងមន្ត្រីដែលពាក់ព័ន្ធជាច្រើនរូបផងដែរ។

លោក ប្រាំង ជលសា អគ្គនាយករងអគ្គិសនីកម្ពុជា បានមានប្រសាសន៍ថា ដើម្បីស្នើសុំអនុញ្ញាតគាំទ្រគម្រោងខ្សែបញ្ជូនអគ្គិសនី ៥០ គីឡូវ៉ុល ពីអនុស្ថានីយអគ្គិសនីខាងកើតភ្នំពេញ ទៅព្រំដែនឡាវ និង ដើម្បីអនុវត្តន៍គម្រោងសាងសង់ប្រព័ន្ធខ្សែបញ្ជូនថាមពលអគ្គិសនីជាតិខាងលើឱ្យបានបញ្ចប់ទៅតាមកាលកំណត់ និងបំពេញតម្រូវការថាមពលអគ្គិសនី នៅដើមឆ្នាំ ២០២៣ខាងមុខ សម្រាប់ផ្គត់ផ្គង់ជាពិសេសឱ្យទាន់ព្រឹត្តិការណ៍កីឡាស៊ីហ្គេម អគ្គិសនីកម្ពុជា និងចាប់ផ្តើមអនុវត្តន៍ការងារសាងសង់ខ្សែបញ្ចូនខាងលើ ចាប់ពីដើមខែមករា ឆ្នាំ២០២២នេះតទៅ ។ ដូចនេះអគ្គិសនីកម្ពុជា សូមសំណូមពរដល់អាជ្ញាធរខេត្ត មេត្តាផ្ដល់ការគាំទ្រព្រមទាំង ជួយសម្របសម្រួលជាមួយប្រជាពលរដ្ឋ និងអាជ្ញាធរដែនដីពាក់ព័ន្ធ ផ្តល់នូវកិច្ចសហការដើម្បីឱ្យគម្រោងនេះសម្រេចបានដោយជោគជ័យ ។

លោក ណុប ដារ៉ា អភិបាលរងខេត្តកណ្តាល បានសំណូមពរដល់ខាងអគ្គីសនីកម្ពុជា ពេលដែលចុះទៅដល់មូលដ្ឋានសូមជួយបង្កលក្ខណៈនូវភាពងាយស្រួលដល់អាជ្ញាធរក្នុងការសម្របសម្រួលជាមួយប្រជាពលរដ្ឋ និងសូមពន្លឿនកិច្ចការងារនេះ ពិសេសថ្នាក់ភូមិ-ឃុំ ត្រូវបន្តពង្រឹងលើការសម្របសម្រួល ពេលដែលក្រុមការងារចុះទៅ ប្រកបដោយភាពរលូន៕ ដោយ ណយ នឿន (ប្រភពៈរដ្ឋបាលខេត្តកណ្ដាល) សម្រួលផ្សាយដោយ៖ dara

(សូមអានបន្ត)

ឯកឧត្តម សុខ លូ ជួបសំណេះសំណាលជាមួយគណៈគ្រប់គ្រងសាកលវិទ្យាល័យគ្រប់គ្រង និង សេដ្ឋកិច្ច ខេត្តបាត់ដំង

 បាត់ដំបង: ថ្ងៃទី២៥ ខែមករា ឆ្នាំ២០២២ រសៀលថ្ងៃ៧រោច ខែបុស្ស ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃច័ន្ទ ទី២៤ ខែមករា ឆ្នាំ២០២២ ឯកឧត្តម សុខ លូ អភិបាលខេត្តបាត់ដំបង បានទទួលជួបសម្តែងការគួរសម ជាមួយគណៈគ្រប់គ្រង សាកលវិទ្យាល័យគ្រប់គ្រង និងសេដ្ឋកិច្ច ខេត្តបាត់ដំង(UME) ដែលដឹកនាំដោយ លោក ទុន ភក្តី សាកលវិទ្យាធិការ នៃសាកលវិទ្យាល័យគ្រប់គ្រង និងសេដ្ឋកិច្ច (UME) នៅសាលប្រជុំសាលាខេត្តបាត់ដំបង ។

នៅក្នុងកិច្ចសម្តែងការគួរសមនោះលោក ទុន ភក្តី សាកលវិទ្យាធិការ នៃសាកលវិទ្យាល័យគ្រប់គ្រង និងសេដ្ឋកិច្ច ខេត្តបាត់ដំង (UME) បានផ្តល់អាហារូបករណ៍ថ្នាក់បរិញ្ញាបត្រចំនួន១០កន្លែង ជូនដល់ឯកឧត្តម អភិបាលខេត្ត សម្រាប់ផ្តល់ជូនបន្តដល់សិស្ស និស្សិត ក្រីក្រ ពុំមានលទ្ធភាពគ្រប់គ្រាន់ក្នុងការបង់ថ្លៃសិក្សា ហើយមានបំណងចង់បន្តការសិក្សាទៅថ្នាក់ឧត្ត មសិក្សា ។

ឯកឧត្តម សុខ លូ អភិបាលខេត្តបាត់ដំបង បានថ្លែងអំណរគុណចំពោះលោក ទុន ភក្តី និងគណៈគ្រប់គ្រង សាកលវិទ្យាល័យ ដែលបានផ្តល់អាហារូបករណ៍ មកដល់រដ្ឋបាលខេត្ត ដើម្បីផ្តល់បន្តដល់សិស្ស និស្សិត ក្រីក្រ ពុំមានលទ្ធភាពគ្រប់គ្រាន់ក្នុងការបង់ថ្លៃសិក្សា ហើយមានបំណងចង់បន្តការសិក្សាទៅថ្នាក់ឧត្តមសិក្សានោះ ៕ដោយ ណយ នឿន (ប្រភពៈរដ្ឋបាលខេត្តបាត់ដំបង) សម្រួលផ្សាយដោយ៖ ធូ​ កុសល

(សូមអានបន្ត)

Posted in: ព័ត៌មានជាតិ,ព័ត៌មានវិទ្យា

មន្រ្តីការពារអ្នកប្រើប្រាស់កិច្ចប្រកួតប្រជែង និងបង្ក្រាបការក្លែងបន្លំ (ក.ប.ប) ខេត្តប៉ៃលិន បង្កើនការត្រួតពិនិត្យម្ហូបអាហារ និងណែនាំដល់អាជីវករ នៅផ្សារប៉ាហ៊ី ដើម្បីសុខភាពរបស់ប្រជាពលរដ្ឋ ក្នុងកំឡុងពិធីបុណ្យចូលឆ្នាំចិន វៀតណាមខាងមុខនេះ

ប៉ៃលិន ៖ ដើម្បីទប់ស្កាត់ចំណីអាហារខូចគុណភាព មានផ្ទុកសារធាតុគីមី ទំនិញហួសសុពលភាព និងខូចគុណភាព និងដើម្បីលើកកម្ពស់សុខមាលភាពប្រជាពលរដ្ឋក្នុងកំឡុងពិធីបុណ្យចូលឆ្នាំចិន វៀតណាមខាងមុខនេះ នៅព្រឹកថ្ងៃ២២ ខែមករា ឆ្នាំ២០២២នេះ មន្ត្រីជំនាញ សាខាការពារអ្នកប្រើប្រាស់ កិច្ចប្រកួតប្រជែង និងបង្ក្រាបការក្លែងបន្លំ (ក.ប.ប) ខេត្តប៉ៃលិន បន្តចុះត្រួតពិនិត្យ និងធ្វើតេស្តបឋម (Test Kit) លើម្ហូបអាហារ ព្រមទាំងណែនាំដល់អាជីវករ ដែលដាក់តាំងលក់ម្ហូបអាហារ និងទំនិញផ្សេងៗទៀត នៅផ្សារសាមគ្គី ហៅប៉ាហ៊ីស្ថិតក្នុងភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិន។

លោក ឈឹម វាសនា  ប្រធានសាខាការពារអ្នកប្រើប្រាស់ កិច្ចប្រកួតប្រជែង និងបង្ក្រាបការក្លែងបន្លំ (ក.ប.ប) ខេត្តប៉ៃលិន បានឱ្យដឹងថា ៖ ដោយមានការណែនាំពីឯកឧត្តមប្រតិភូ សាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប.) ខេត្តប៉ៃលិន ក្នុងកំឡុងពិធីបុណ្យចូលឆ្នាំចិន វៀតណាម ខាងមុខនេះ បានធ្វើការចុះត្រួតពិនិត្យសុវត្ថិភាពចំណីអាហារ នៅតាមផ្ទះជុំវិញផ្សារ និងនៅក្នុងផ្សារពិនិត្យរក សារធាតុគីមី គឺធ្វើឡើងដើម្បីទប់ស្កាត់ឲ្យបានកាន់តែខ្ពស់ ចំពោះការចរាចរណ៍ទំនិញខូចគុណភាព និងគ្មានច្បាប់អនុញ្ញាតនៅលើទីផ្សារ ដែលនាំឲ្យប៉ះពាល់ដល់សុខភាពរបស់ប្រជាពលរដ្ឋ។

លោកប្រធានសាខាបានបន្តថា៖ ទំនិញដែលមន្រ្តីរបស់លោកតែងតែធ្វើសកម្មភាពពិនិត្យជាប្រចាំ គឺពិនិត្យទៅកាលបរិច្ឆេទ លើសំបកវេចខ្ចប់ រួមទាំងធ្វើតេស្តបឋម (Test Kit) 

 ពិនិត្យរកសារជាតិគីមីនៅលើគ្រឿងសមុទ្រ ប្រហិតសរសៃមី គុយទាវ បន្លែ ត្រីសាច់ ជាដើម ដើម្បីចូលរួមចំណែកទប់ស្កាត់ការចរាចរណ៍ទំនិញដែលខូចគុណភាព និងមានសារធាតុគីមី ជាពិសេសបានធ្វើការពន្យល់ណែនាំដល់ ពលរដ្ឋ និងអាជីវករទាំងអស់ ឲ្យបានយល់ដឹងពីប្រភេទទំនិញ ដែលគ្មានគុណភាពផងដែរ។

លោកប្រធានសាខា បានបញ្ជាក់ទៀតថា៖ នាយកដ្ឋានការពារអ្នកប្រើប្រាស់ កិច្ចប្រកួតប្រជែង និងបង្ក្រាបការក្លែងបន្លំ ហៅកាត់ថា (ក.ប.ប) បានដើរតួនាទីយ៉ាងសំខាន់ ក្នុងការទប់ស្កាត់ និងបង្រា្កបការលបលួចនាំចូល ការផលិត ការចែកចាយ ម្ហូបអាហារពុំមានសុវត្ថិភាព ដែលជនខិលខូច បានក្លែងបន្លំចរាចរណ៍លក់នៅលើទីផ្សារ និងម្ហូបអាហារដែលខូចគុណភាពមានសារធាតុគីមី ហើយយើងក៏បានអប់រំផ្សព្វផ្សាយជាសាធារណៈនូវចំណេះដឹងជាមូលដ្ឋានអំពីសុវត្ថិភាពម្ហូបអាហារ។ ដូច្នេះហើយ សូមអោយ បងប្អូនអាជីវករ លក់ដូរនៅតាមបណ្តាតូបនានា មេត្តាសហការជាមួយសមត្ថកិច្ច និងកុំគិតតែពីផលចំណេញជាធំ និងសុំអោយទាំងអស់គ្នា រួមគ្នាទទួលខុសត្រូវចំពោះមុខច្បាប់ និងគោរពបទដ្ឋានបច្ចេកទេស ក្នុងការផ្គត់ផ្គង់ម្ហូបអាហារលើទីផ្សារ។

សូមបញ្ជាក់ថា៖ ក្នុងការចុះត្រួតពិនិត្យទំនិញនាឱកាសនោះ មន្ត្រី (ក.ប.ប)ខេត្ត បានធ្វើតេស្តឃីត ត្រួតពិនិត្យលើចំណីអាហារសំខាន់ៗរួមមាន៖ គ្រឿងសមុទ្រ ពពុះសណ្តែក បាញ់កាញ់ គុយទាវ ប្រហិត គ្រឿងទេស ជាលទ្ធផលអវិជ្ជមាន គឺមិនមានផ្ទុកសារធាតុគីមីធ្វើអោយប៉ះពាល់សុខភាពនោះទេ៕ ដោយ ៖ នាក់ ង៉យ

(សូមអានបន្ត)

Posted in: ព័ត៌មានជាតិ

អាជ្ញាធរខេត្ត រៀបចំពិធីបញ្ចុះបឋមសិលាកសាងអគារសាកលវិទ្យាល័យ សម្តេចព្រះមហាសង្ឃរាជ បួរ គ្រី

កណ្តាល៖ នៅថ្ងៃ៦រោច ខែបុស្ស ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃអាទិត្យ ទី២៣ ខែមករា ឆ្នាំ២០២២ សម្តេចព្រះអភិសិរីសុគន្ធាមហាសង្ឃរាជាធិបតី កិត្តិឧទ្ទេសបណ្ឌិត បួរ គ្រី សម្តេចព្រះមហាសង្ឃរាជ នៃគណៈធម្មយុត្តិកនិកាយ នៃព្រះរាជាណាចក្រកម្ពុជា ឯកឧត្តម គង់ សោភ័ណ្ឌ អភិបាលខេត្តកណ្ដាល ឯកឧត្តមឧត្តម វ៉ី សំណាង អភិបាលខេត្តកំពង់ស្ពឺ បានយាង និងអញ្ជើញជាព្រះរាជាធិបតី និង គណៈអធិបតី ក្នុងពិធីបញ្ចុះបឋមសិលា កសាងអគារសាកលវិទ្យាល័យ សម្តេចព្រះមហាសង្ឃរាជ បួរ គ្រី និង ពិធីបុណ្យផ្កាប្រាក់មហាសាមគ្គី ដែលរៀបចំដោយអាជ្ញាធរខេត្តកណ្តាល ស្ថិតនៅភូមិរកាធំ ឃុំបែកចាន ស្រុកអង្គស្នួល ខេត្តកណ្តាល ។ 

 មានប្រសាសន៍ក្នុងពិធីបញ្ចុះបឋមសិលា ឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្ដាល បានលើកឡើងថា អគារសាកលវិទ្យាល័យ សម្តេចព្រះមហាសង្ឃរាជ បួរ គ្រី ទុកជាប្រវត្តិសាស្ត្រសម្រាប់សមណនិស្សិត និស្សិត យុវជនខ្មែរ និងបរទេស មកទទួលការអប់រំ និងសិក្សាស្រាវជ្រាវ ស្វែងរកចំណេះដឹងនៅទីនេះ។ 

 ឯកឧត្តមអភិបាលខេត្ត បន្តថា អគារសាកលវិទ្យាល័យសម្តេចព្រះមហាសង្ឃរាជ បួរ គ្រី នេះ គឺជាសមិទ្ធផលថ្មីមួយទៀត ដែលកើតចេញពីការអភិវឌ្ឍលើគ្រប់វិស័យ ជាមួយនឹងជីវភាពរស់នៅរបស់ប្រជាពលរដ្ឋ កាន់តែល្អប្រសើរក្រោមម្លប់នៃសន្តិភាព ក្រោមការដឹកនាំ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជា ដែលធ្វើឱ្យប្រជាពលរដ្ឋរស់នៅ ពោរពេញដោយសន្តិសុខ សុវត្ថិភាព សណ្តាប់ធ្នាប់សាធារណៈ ជាមួយនឹងការដាក់ចេញឱ្យអនុវត្តន៍ នូវគោលនយោបាយ ភូមិ ឃុំសង្កាត់មានសុវត្ថិភាព ធ្វើឱ្យមូលដ្ឋានខេត្តកណ្តាល មានការអភិវឌ្ឍរីកចម្រើនលើគ្រប់វិស័យ ជាមួយនឹងគម្រោងអភិវឌ្ឍន៍ជាបន្តបន្ទាប់។ 

ដូច្នេះយើងទាំងអស់គ្នា សូមគោរពអរគុណសន្តិភាព អរគុណនយោ បាយឈ្នះឈ្នះ គោរពដឹងគុណស្ថាបនិកមគ្គុទ្ទេសក៍ឯក និងប្រតិបត្តិករនយោបាយឈ្នះឈ្នះ ដែលបាននាំមកនូវសុខសន្តិភាព និងការឯកភាពជាតិពេញលេញ នៅទូទាំងព្រះរាជាណាចក្រកម្ពុជា នាំឱ្យកកើតមាននូវសមិទ្ធផលជាច្រើន បម្រើឱ្យផលប្រយោជន៍សាធារណៈ។ 

 សម្ដេចមង្គលទេពាចារ្យ វង្ស អានេតា សម្តេចព្រះសង្ឃនាយករង នៃគណៈធម្មយុត្តិកនិកាយ នៃព្រះរាជាណាចក្រកម្ពុជា និងជាព្រះមេគណគណៈធម្មយុត្តិកនិកាយ ខេត្តកណ្តាល បានមានសង្ឃដីកាថា អគារសាកលវិទ្យាល័យសម្តេចព្រះមហាសង្ឃរាជ បួរ គ្រី សាងសង់លើផ្ទៃដីទំហំ ១៣ ៥៨០ម៉ែត្រការ៉េ មានកម្ពស់ ៦ជាន់ មានរាងជាអក្ស អ៊ុយ U មានបន្ទប់សិក្សាចំនួន ៧២បន្ទប់ បន្ទប់រដ្ឋបាល១៧ បន្ទប់សាលប្រជុំ០២ បន្ទប់ផ្ទុកមនុស្សបានចំនួន ១ ០២០ នាក់ មានអាហារដ្ឋានចំនួន ០១កន្លែង ចំណតយានយន្ត ០១កន្លែង ចំណាយថវិកាចំនួន ៤ ០៥៣ ០០០ដុល្លារអាម៉េរិក ដោយមិនទាន់គិតបញ្ចូលសម្ភារបរិក្ខារ បំពាក់ក្នុងអគារនៅឡើយ ៕ដោយ ណយ នឿន (ប្រភពៈរដ្ឋបាលខេត្តកណ្ដាល) សម្រួលផ្សាយដោយ៖ ដារ៉ា

 

(សូមអានបន្ត)

Posted in: ព័ត៌មានជាតិ

ចិននិងកម្ពុជាប្រជុំវាយតម្លៃលើភូតគាមអនាម័យត្រីប្រាកម្ពុជាដែលនឹងនាំចេញទៅកាន់ប្រទេសចិន

  

ស្ថានទូតចិនប្រចាំនៅកម្ពុជាបានឱ្យដឹងថា កាលពីថ្ងៃទី២០ខែ មករា រដ្ឋបាលគយប្រទេសចិន និងក្រសួងកសិកម្ម រុក្ខាប្រមាញ់ និងនេសាទកម្ពុជាបានរៀបចំយ៉ាងជោគជ័យនូវកិច្ចប្រជុំវាយតម្លៃលើកដំបូងតាមរយៈវីដេអូទៅលើភូតគាមអនាម័យត្រីប្រាកម្ពុជាដែលនឹងនាំចេញទៅកាន់ប្រទេសចិន។

 ប្រភពបញ្ជាក់ថា កិច្ចប្រជុំនេះគឺជាវិធានការដ៏សំខាន់មួយទៀត សម្រាប់ចិននិងកម្ពុជាក្នុងការអនុវត្តន៍កុងសង់ស៊ីសរបស់ថ្នាក់ដឹកនាំទាំងពីរប្រទេសក្នុងការពន្លឿននាំចេញកសិផលកម្ពុជាទៅកាន់ប្រទេសចិន ហើយក៏ជាកិច្ចប្រជុំវាយតម្លៃតាមរយៈវីឌីអូលើកទី២ លើកសិផលកម្ពុជាដែលនឹងនាំចេញទៅកាន់ប្រទេសចិន ។

ប្រការនេះបានបង្ហាញពីប្រទេសទាំងពីរខិតខំសម្រេចឆន្ទៈនិងការប្ដេជ្ញាចិត្តដ៏មុតមាំក្នុងការនាំ ចេញ កសិផលកម្ពុជាទៅកាន់ប្រទេសចិននិងការជំរុញកិច្ចសហប្រតិបត្តិការជាក់ស្តែងកាន់តែច្រើន។ យោងតាមការរៀបចំកិច្ចការពាក់ព័ន្ធ ការវាយតម្លៃខាងលើនេះនឹងមានរយៈពេល៩ថ្ងៃ និងបញ្ចប់នៅថ្ងៃទី២៨ខែមករាខាងមុខ នេះ។ 

មន្រ្តីតំណាងស្ថានទូតចិន ប្រចាំកម្ពុជាបានអញ្ជើញចូលរួមក្នុងដំណើរការទាំងស្រុង។ សូមបញ្ជាក់ថា ប្រទេសចិនគឺជាគោលដៅសំខាន់របស់កម្ពុជា ក្នុងការនាំចេញផលិតផលកសិកម្មផ្សេងៗ។ ក្នុងនោះកម្ពុជា មានកសិផលជាច្រើន ដែលបាននាំ ចេញទៅប្រទេសចិន ដោយផ្ទាល់មានដូចជា ចេក ស្វាយ កៅស៊ូជាដើម។ ចំណែកផ្លែមៀនប៉ៃលិន និងត្រីប្រា អាចនាំចេញទៅចិនដោយផ្ទាល់ ក្នុងពេលឆាប់ៗខាងមុខនេះ៕

(សូមអានបន្ត)

Posted in: ព័ត៌មានសេដ្ឋកិច្ច

រដ្ឋបាលខេត្ត បើកកិច្ចប្រជុំពិនិត្យ ពិភាក្សា អំពីគម្រោងរៀបចំបរិស្ថាន

រដ្ឋបាលខេត្ត បើកកិច្ចប្រជុំពិនិត្យ ពិភាក្សា អំពីគម្រោងរៀបចំបរិស្ថាន កណ្តាល ៖ ថ្ងៃទី២១ ខែមករា ឆ្នាំ២០២២ ឯកឧត្តម គង់ សោភ័ណ្ឌ អភិបាលខេត្តកណ្ដាលបានស្នើដល់មន្ទីរជំនាញពាក់ព័ន្ធ និងអាជ្ញាធរក្រុង-ស្រុកទាំង១១ ត្រូវបន្តខិតខំបញ្ចេញស្នាដៃរបស់ខ្លួនលើការងារបរិស្ថាន ការងារគ្រប់គ្រងសំរាម និងកាកសំណល់រឹង ដោយត្រូវរៀបចំផែនការថ្មី ដើម្បីអនុវត្តឱ្យបានទទួលលទ្ធផលពិតប្រាកដ សំដៅធ្វើឱ្យខេត្តកណ្ដាល ទាំងមូលទទួលបានជោគជ័យលើការងារគ្រប់គ្រងសំរាម និងកាកសំណល់រឹង។

 ឯកឧត្តម គង់ សោភ័ណ្ឌ បានស្នើឡើងដូច្នេះនៅក្នុងកិច្ចប្រជុំពិនិត្យ ពិភាក្សា អំពីគម្រោងរៀបចំបរិស្ថាន និងការអភិវឌ្ឍក្នុងភូមិសាស្រ្តខេត្តកណ្តាល នៅថ្ងៃ៣រោច ខែបុស្ស ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃព្រហស្បតិ៍ ទី២០ ខែមករា ឆ្នាំ២០២២ ដោយមានការចូលរួមពីឯកឧត្ដម លោកជំទាវអភិបាលរងខេត្ត មន្ទីរអង្គភាពជុំវិញខេត្ត អភិបាលក្រុង-ស្រុកទាំង១១ និងមន្ត្រីពាក់ព័ន្ធជាច្រើនរូប។ ឯកឧត្តមអភិបាលខេត្ត បានបញ្ជាក់ថា ការគ្រប់គ្រងសំរាម សំណល់រឹង គឺជាកិច្ចការ សំខាន់បន្ទាន់សម្រាប់យើងទាំងអស់គ្នា ចូលរួមទទួលខុសត្រូវ ដូចពាក្យស្លោករបស់រាជរដ្ឋាភិបាល បានលើកឡើងថា " កម្ពុជាស្អាតផ្ដើមចេញពីយើងម្នាក់ៗ ” ។ 

ដូច្នេះយើងទាំងអស់គ្នាត្រូវយកចិត្តទុកដាក់លើកិច្ចការសំខាន់ៗមួយចំនួន ដូចជា ការបើកយុទ្ធនាការប្រមូលសំរាមនៅតាមដងផ្លូវ និងក្នុងប្រភពទីសាធារណៈឱ្យអស់ ការកែលម្អទីលានចាក់សំរាម ការកំណត់ថ្លៃសេវាសំរាម ការអប់រំប្រជាពលរដ្ឋលើការញែក និងទុកដាក់សំរាម ពង្រឹងការទទួលខុសត្រូវរបស់ការិយាល័យជំនាញ ការចូលរួមរបស់វិស័យឯកជន ក្នុងការគ្រប់គ្រងសំរាម និងការពង្រឹងលើការអនុវត្តការផាកពិន័យ ទាក់ទងនឹងបទល្មើស នៃការចោលនិងដុតសំរាមជាដើម។ 

 ជាមួយគ្នានេះផងដែរ ឯកឧត្តមអភិបាលខេត្ត ក៏បានលើកទឹកចិត្តដល់បងប្អូនប្រជាពលរដ្ឋទាំងអស់ ត្រូវចូលរួមអនុវត្តគោលការណ៍សកល ៣អ៊ែ (3Rs)គឺ៖ កាត់បន្ថយ (Reduce) ប្រើប្រាស់ឡើងវិញ (Reuse) និងកែច្នៃ (Recycle) គឺជាគោលដៅអាទិភាពសម្រាប់កិច្ចគាំពារនូវការអភិវឌ្ឍសេដ្ឋកិច្ច-សង្គម-បរិស្ថាន បរិយាប័ន្ន ក្នុងគោលដៅលើកកម្ពស់សោភណភាពទីប្រជុំជនខេត្ត-ក្រុង-ស្រុក ឱ្យមានផាសុកភាព និងសុខមាលភាពប្រជាជនទូទៅ នៅក្នុងខេត្ត កណ្តាលទាំងមូល ៕ដោយ ណយ នឿន(ប្រភពៈរដ្ឋបាលខេត្តកណ្ដាល) សម្រួលផ្សាយដោយ៖ ដារ៉ា

(សូមអានបន្ត)

Posted in: ព័ត៌មានជាតិ

អាជ្ញាធរខណ្ឌកំបូលចុះប្រមូលសំរាមរាយប៉ាយ កាប់ត្រាយព្រៃតាមចិញ្ចើមផ្លូវ កៀរកំណកដីចេញពីលើផ្លូវធ្វើការផ្សព្វផ្សាយជាប្រចាំដល់សាធារណជនវេចខ្ចប់សំរាមឱ្យបានត្រឹមត្រូវ

ភ្នំពេញ :ថ្ងៃទី២០ ខែមករា ឆ្នាំ២០២២ អាជ្ញាធរខណ្ឌកំបូល ដឹកនាំដោយលោក សេង គន្ធ អភិបាលរង តំណាងឱ្យអភិបាលខណ្ឌលោក ឃឹម ស៊ុនសូដា នៅរសៀលថ្ងៃ២រោច ខែបុស្ស ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃពុធ ទី១៩ ខែមករា ឆ្នាំ២០២២ រួមជាមួយមន្ត្រីពាក់ព័ន្ធនៃសាលាខណ្ឌ មន្ត្រីបរិស្ថាននៃសង្កាត់ទាំង៧ មេភូមិ ប្រជាការពារភូមិ និងសហការជាមួយក្រុមហ៊ុនប្រមូលសំរាម មីស៊្យូដា បានចុះប្រមូលសំរាមរាយប៉ាយ តាមបណ្ដោយផ្លូវជាតិលេខ៤ កាប់ត្រាយព្រៃតាមចិញ្ចើមផ្លូវ កៀរកំណកដីចេញពីលើផ្លូវ ក្នុងគោលបំណងបរិស្ថានស្អាត លើកកម្ពស់សោភណភាពទីក្រុង ។

ជាមួយគ្នានោះដែរលោក សេង គន្ធ អភិបាលរងខណ្ឌកំបូល ក៏បានធ្វើការផ្សព្វផ្សាយជាប្រចាំដល់សាធារណជន ឱ្យរៀបចំវេចខ្ចប់បញ្ចេញសំរាម ស្របតាមលិខិតបទដ្ឋាននានា និងតាមគោលការណ៍ណែនាំដែលបានដាក់ចេញ នាពេលកន្លងមកដោយសាលារាជធានីភ្នំពេញផងដែរ។

សកម្មភាពទាំងនេះក្នុងគោលបំណង រួមគ្នាសម្អាត និងថែទាំទីក្រុងឱ្យបានស្អាតស័ក្ដិសមជាទីក្រុងស្អាត សេវាល្អ ដើម្បីលើកកម្ពស់សោភណភាពទាក់ទាញភ្ញៀវទេសចរ ឱ្យចូលមកទស្សនារាជធានីភ្នំពេញ កាន់តែច្រើនឡើងថែមទៀត ។

លោក សេង គន្ធ ក៏បានអំពាវនាវដល់សាធារណជន សូមវេចខ្ចប់ទុកដាក់សំរាមឱ្យបានត្រឹមត្រូវតាមការណែនាំ ។ ក្នុងករណីដែលមិនព្រមអនុវត្តតាមការកំណត់ រដ្ឋបាលខណ្ឌនឹងអនុវត្តន៍នូវវិធានការរដ្ឋបាល និងលិខិតបទដ្ឋានដែលនៅជាធរមាន ៕ដោយសួស សំរិត សម្រួលផ្សាយដោយ៖ dara

(សូមអានបន្ត)

Posted in: ព័ត៌មានសន្តិសុខ

រដ្ឋបាលខេត្តកំពង់ឆ្នាំង តែងតាំងអនុប្រធានមន្ទីរសុខាភិបាល និងថ្នាក់ដឹកនាំការិយាល័យ មណ្ឌលសុខភាព ចំនួន១១រូប

     

កំពង់ឆ្នាំង ៖ អនុប្រធានមន្ទីរសុខាភិបាលខេត្តកំពង់ឆ្នាំង និង ថ្នាក់ដឹកនាំការិយាល័យ ថ្នាក់ដឹកនាំមណ្ឌលសុខភាព ចំនួន១១រូប ត្រូវបានរដ្ឋបាលខេត្តកំពង់ឆ្នាំង សម្រេចចេញដីកាតែងតាំងជាថ្នាក់ដឹកនាំនៃមន្ទីរសុខាភិបាលខេត្តកំពង់ឆ្នាំង ។ ពិធីប្រកាសតែងតាំងនេះបានធ្វើឡើងកាល ពីរសៀលថ្ងៃទី១៧ ខែមករា ឆ្នាំ២០២២ ក្រោមអធិបតីភាព លោក អម សុភា អភិបាលរងខេត្តកំពង់ឆ្នាំង និង ឯកឧត្តមវេជ្ជបណ្ឌិត ប្រាក់ វ៉ុន ទីប្រឹក្សាក្រសួងសុខាភិបាល និង ជាប្រធានមន្ទីរសុខាភិបាលខេត្តកំពង់ឆ្នាំង ។

ឯកឧត្តមវេជ្ជបណ្ឌិត ប្រាក់ វ៉ុន បានមានប្រសាសន៍ឱ្យដឹងថា ក្នុងរយៈពេលកន្លងមកនេះ ថ្នាក់ដឹកនាំមន្រ្តីរាជការ បានបំពេញតួនាទីរបស់ខ្លួនយ៉ាងសកម្ម ក្នុងការផ្ដល់សេវាសុខាភិបាលជូនប្រជាពលរដ្ឋតាំងពីនៅទីប្រជុំជនរហូតដល់ជនបទ គោរពបាននូវក្រមសីលធម៌វិជ្ជាជីវៈ ធានាបាននូវប្រសិទ្ធភាពនិងគុណភាព ។

ឯកឧត្តមវេជ្ជបណ្ឌិត ប្រាក់ វ៉ុន បាន បញ្ជាក់ទៀតថា ក្នុងអំឡុងពេលនៃការរីករាលដាលជំងឺកូវីដ១៩ ក្រុមគ្រូពេទ្យ មន្រ្តីសុខាភិបាល កាន់តែសកម្មទ្វេដងក្នុងការជួយសង្រ្គោះប្រជាពលរដ្ឋនៅគ្រប់ទីកន្លែង ដែលបានរងគ្រោះដោយជំងឺកូវីដ១៩នេះ ។ ចំពោះការផ្ដល់មុខតំណែង តួនាទី ដល់ថ្នាក់ដឹកនាំមន្រ្តីរាជការនៃមន្ទីរសុខាភិបាលនាពេលនេះ ជាការ លើកទឹកចិត្ត ក្នុងការបំពេញការ ងារបន្ថែមទៀត លើវិស័យសុខាភិបាលប្រកបដោយគុណភាពនិងប្រសិទ្ធភាព ។

យោងតាមដីកាស្តីពីការតែងតាំងមន្រ្តីរាជការរបស់រដ្ឋបាលខេត្តកំពង់ឆ្នាំង ត្រូវបានតែងតាំងលោក ងិន ចាន់សារ៉េត ឱ្យកាន់មុខតំណែងជាអនុប្រធានមន្ទីរសុខាភិបាលខេត្តកំពង់ឆ្នាំង និង មន្រ្តីរាជការចំនួន១០រូបផ្សេងទៀត ជាប្រធាន អនុប្រធានការិយាល័យ និង ប្រធាន អនុប្រធានមណ្ឌលសុខ ភាព ។

លោក អម សុភា អភិបាលរងខេត្តកំពង់ឆ្នាំង បានធ្វើការវាយតម្លៃខ្ពស់ចំពោះសកម្មភាពការងាររបស់ថ្នាក់ដឹកនាំគ្រប់លំដាប់ថ្នាក់ នៃមន្ទីរសុខាភិបាលដែលក្នុងរយៈកន្លងទៅនេះ បានយកអស់កម្លាំងកាយកម្លាំងចិត្ត កម្លាំងស្មារតី ក្នុងការជួយសង្រ្គោះជីវិតប្រជាពលរដ្ឋ ទោះស្ថិតក្នុងស្ថានភាពដ៏លំបាកយ៉ាងណាក៏ដោយ ។

លោកបញ្ជាក់ទៀតថា ការទទួលមុខតំណែង តួនាទីថ្មីនាពេលនេះ គឺជាបន្ទុកមួយទៀតនៃការអនុវត្តតួនាទីភារកិច្ចនៃការទទួលខុសត្រូវ ក្នុងនាមជាថ្នាក់ដឹកនាំរបស់អង្គភាពរបស់ខ្លួន ។ ដូច្នេះក្រោយពេលទទួលភារកិច្ចថ្មី ត្រូវសហការគ្នាល្អជាមន្ត្រីស្ថាប័នពាក់ព័ន្ធ និងមន្ត្រីក្រោមឱវាទឱ្យបានល្អ ដើម្បីបង្កើនប្រសិទ្ធភាពការងារឱ្យកាន់តែល្អប្រសើរជាងមុនបន្ថែមទៀត ។

លោកក៏បានផ្តាំផ្ញើថ្នាក់ដឹកនាំមន្រ្តីសុខាភិបាលទាំងអស់ត្រូវចូលរួមអនុវត្តតួនាទីនិងភារៈកិច្ច ក្នុងវិស័យសុខាភិបាលឱ្យបានខ្ជាប់ខ្ជួន ក្នុងការផ្ដល់សេវា សាធារណៈ ឱ្យកាន់តែមានគុណភាពនិងប្រសិទ្ធភាពដើម្បីធ្វើឱ្យសុខុមាលភាពប្រជាពលរដ្ឋកាន់តែប្រសើរឡើង ដើម្បីរួមចំណែកកាត់បន្ថយភាពក្រីក្ររបស់ប្រជាពលរដ្ឋ៕ប្រភព ៖ មន្ទីរព័ត៌មានខេត្តកំពង់ឆ្នាំង​ សម្រួលដោយ៖ដារ៉ា

(សូមអានបន្ត)

Posted in: ព័ត៌មានជាតិ

អាជ្ញាធរខេត្តប៉ៃលិន ជម្រុញឱ្យក្រុមហ៊ុនឯកជនជួយអភិវឌ្ឍដងស្ទឹងបរយ៉ាខា ឱ្យប្រែក្លាយទៅតំបន់ទេសចរទាក់ទាញ

  ខេត្តប៉ៃលិន ៖ រហូតមកដល់ថ្ងៃទី១៧ ខែមករា ឆ្នាំ២០២២នេះ អាជ្ញាធរខេត្តប៉ៃលិន បានជម្រុញឱ្យក្រុមហ៊ុនឯកជនមួយ មានឈ្មោះ «ឈុំ ភឿន អភិវឌ្ឍន៍» ធ្វើការរៀបចំឈូសឆាយដីនៅក្បែរមាត់ស្ទឹងបរយ៉ាខា ស្ថិតនៅក្នុងភូមិអូរស្ងួត សង្កាត់បរយ៉ាខា ក្រុងប៉ៃលិន ដើម្បីអភិវឌ្ឍន៍ដងស្ទឹងមួយនេះ ឱ្យប្រែក្លាយទៅជាតំបន់ទេសចរ ទាក់ទាញភ្ញៀវឱ្យចូលមកលេងកម្សាន្តកាន់តែច្រើនឡើងថែមទៀត។ 

  បើតាមការរៀបរាប់របស់លោក វ៉ាន់ សិទ្ធ ជាម្ចាស់ក្រុមហ៊ុនឯកជន ឈ្មោះ ឈុំ ភឿន អភិវឌ្ឍ បានរៀបរាប់ឱ្យដឹងថា ៖ បើគិតចម្ងាយចាប់តាំងពីរង្វង់មូលវិមានឯករាជ្យ រហូតមកដល់កន្លែងដីអភិវឌ្ឍមានចម្ងាយប្រមាណ៣គីឡូ ម៉ែត្រ ហើយចាប់ពីគល់ស្ពានតារាប ផ្លូវជាតិលេខ៥៩ មកដល់កន្លែងដីខាងលើនេះ មានចម្ងាយប្រហែល១០០ម៉ែត្រ។ ក្រោយទទួលបានការអនុញ្ញាតពីលោកជំទាវ បាន ស្រីមុំ អភិបាលខេត្តប៉ៃលិន ឱ្យក្រុមហ៊ុនរបស់លោករៀបចំអភិវឌ្ឍតំបន់មាត់ស្ទឹងបរយ៉ាខា ខាងលើឱ្យប្រែក្លាយទៅជាតំបន់ទេសចរ ដែលមានទាក់ទាញភ្ញៀវទេសចរជាតិ និងអន្តរជាតិឱ្យចូលមកលេងកម្សាន្តក្នុងខេត្តប៉ៃលិន កាន់តែច្រើនកុះករ។ លោកបន្តទៀតថា ក្រុមហ៊ុនរបស់លោកនឹងរៀចំចាក់បេតុង រៀបចំ តភ្ជាប់ប្រព័ន្ធទឹកស្អាត និងភ្លើងអគ្គិសនី ដោយមានដាំដើមផ្កា ដែលអាចបញ្ចេញផ្កាតាមខែនីមួយៗ នៅលើដីក្បែរមាត់ស្ទឹងនៅសងខាងផ្លូវ។ លោកបញ្ជាក់ទៀតថា គម្រោងដីអភិវឌ្ឍក្បែរមាត់ស្ទឹងខាងលើ ខាងក្រុមហ៊ុនបានសុំច្បាប់ អនុញ្ញាតសាងសង់ជាបុរី ផ្ទះល្វែង និងសួនច្បារលំហែ ដើម្បីចូលរួមអភិវឌ្ឍក្រុងប៉ៃលិន ឱ្យកាន់តែមានភាពទាក់ទាញ ព្រមទាំងកែប្រែមុខមាត់ខេត្តប៉ៃលិន ឱ្យកាន់តែស្រស់បំព្រងទៅដោយធម្មជាតិ និងអគារដ៏ស្គឹមស្គៃ។ ចំណែកនៅក្បែរមាត់ស្ទឹង ក៏អាចសាងសង់ខ្យុស សម្រាប់លក់ដូរម្ហូបអាហារ ឱ្យភ្ញៀវ ដែលនាំគ្នាមកលេងទឹកស្ទឹងដ៏ថ្លាយង់ ដែលហូររឹមៗ ក្នុងទិសដៅពីលិចទៅកើត។ 

  ទោះបីជាយ៉ាងណា បន្ទាប់ពីមានការស្ងប់ស្ងាត់នូវបញ្ហាជំងឺកូវីដ១៩នេះ ខាងក្រុមហ៊ុនរបស់លោក ចាប់ផ្តើមឈូសឆាយដីក្បែរមាត់ស្ទឹងជាបណ្តើរៗហើយ ដោយសង្ឃឹមថា ការអភិវឌ្ឍនេះមានសភាពរលូនទៅមុខផងដែរ៕ ដោយ ៖ នាក់ ង៉យ

(សូមអានបន្ត)

ឯកឧត្តមបណ្ឌិត ថោង ខុន អញ្ជើញក្រុងពាលីវេទិកាទេសចរណ៍អាស៊ានលើកទី៤០ ឆ្នាំ២០២២

 ព្រះសីហនុ: ថ្ងៃទី១៨ ខែមករា ឆ្នាំ២០២២

រសៀលថ្ងៃ១៥កើត ខែបុស្ស ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃច័ន្ទ ទី១៧ ខែមករា ឆ្នាំ២០២២ ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងលោកជំទាវ ឯកឧត្តម គួច ចំរើន អភិបាលនៃគណៈអភិបាលខេត្តព្រះ សីហនុ បានអញ្ជើញរៀបចំក្រុងពាលីវេទិកាទេសចរណ៍ស៊ាន លើកទី៤០ ឆ្នាំ២០២២ (ATF 2022) នៅទីលានតេជោ ស្តិតនៅសង្កាត់លេខ៤ ក្រុងព្រះសីហនុ ខេត្តព្រះសីហនុ ។

កម្ពុជាត្រូវបានធ្វើជាប្រធានអាស៊ាន ឆ្នាំ២០២២ ម្យ៉ាងទៀតដោយសារប្រទេសជាតិមានសុខសន្តិភាព ដើម្បីឆ្ពោះទៅកាន់ការស្តារ និងបើកទេសចរណ៍ឡើងវិញ នូវទេសចរណ៍ក្នុងតំបន់ប្រកបដោយភាពធន់ និងនិរន្តរភាព និងភាពទទួលខុសត្រូវនាពេលអនាគត។ ពិធីបើកវេទិកាទេសចរណ៍អាស៊ានជាផ្លូវការ ប្រារព្ធនៅក្នុងបរិវេណទីលានតេជោនៅថ្ងៃទី១៨ ខែមករា ឆ្នាំ២០២២នេះ ក្រោមអធិបតីភាពដ៏ខ្ពង់ខ្ពស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្ដេចគត្តិព្រឹទ្ធបណ្ឌិត ប៊ុន រ៉ានី ហ៊ុន សែន។ ថ្ងៃនេះគណៈកម្មការអន្តរក្រសួងក្រោមអធិបតីភាពឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងជាប្រធានវេទិកាអាស៊ានឆ្នាំ២០២២ បានសហការជាមួយរដ្ឋបាលខេត្តព្រះសីហនុ ដើម្បីរៀបចំវេទិកាទេសចរណ៍អាស៊ានលើកទី៤០ (ATF 2022) នៅខេត្តព្រះសីហនុ។ដោយបានរៀបចំក្រុងពាលីថ្វាយគ្រឿងសក្ការៈបូជាដល់អស់ អង្គបារមីសុំសេចក្ដីសុខ សេចក្ដីចម្រើនរៀបចំវេទិកាទេសចរណ៍អាស៊ាន លើកទី៤០ ឆ្នាំ២០២២ (ATF 2022)នៅខេត្តព្រះសីហនុ និងឈានទៅការប្រកាសបើកទេសចរណ៍ក្នុងតំបន់អាស៊ានឡើងវិញ បន្ទាប់ពីអាក់ខានជិតពីរឆ្នាំកន្លងមក ដោយសារវិបត្តិជំងឺរាតត្បាតកូវីដ-១៩ ៕ ដោយ ងូ សុមុនី សម្រួលផ្សាយដោយ៖ dara

(សូមអានបន្ត)