ផ្សាយពាណិជ្ជកម្ម
គេហទំព័រ WWW.KMSTVONLINE.COM ទីស្នាក់ការកណ្តាល : លេខ៤៨អឺ០ ភូមិ៣ ផ្លូវ៣៤៨ សង្កាត់បឹងកេងកង៣ ខណ្ឌបឹងកេងកង ភ្នំពេញ ទំនាក់ទំនង Tele: 012 880 593 >

ផ្សាយពាណិជ្ជកម្ម
គេហទំព័រ WWW.KMSTVONLINE.COM ទីស្នាក់ការកណ្តាល : លេខ៤៨អឺ០ ភូមិ៣ ផ្លូវ៣៤៨ សង្កាត់បឹងកេងកង៣ ខណ្ឌបឹងកេងកង ភ្នំពេញ ទំនាក់ទំនង Tele: 012 880 593 >

ព័ត៌មានប្រចាំថ្ងៃ


ឪពុកម្តាយយាយតា សម្រុកនាំកូនចៅទៅចាក់វ៉ាក់សាំងប្រឆាំងជំងឺកូវីដ ១៩ ដើម្បីបង្ការ ទប់ស្កាត់ ការឆ្លងរាលដាលជំងឺចូលសហគមន៍ និងបានចូលរៀនឡើងវិញ

 


ខេត្តប៉ៃលិន ៖ ក្រោយពីរដ្ឋបាលខេត្តប៉ៃលិន បានចេញសេចក្តីជូនដំណឹងលេខ ២០០/២១សជណ. ស្តីពីការចាក់វ៉ាក់សាំងប្រឆាំងជំងឺកូវីដ១៩ ជូនដល់កុមារ មានអាយុចាប់ពី០៦ឆ្នាំ និងអាយុក្រោម១២ឆ្នាំ ដែលរស់នៅក្នុងខេត្តប៉ៃលិន កាលពីថ្ងៃទី១៦ ខែកញ្ញា ឆ្នាំ២០២១ កន្លងទៅ រហូតមកដល់ព្រឹកថ្ងៃទី២១ ខែកញ្ញា ឆ្នាំ២០២១នេះ គេសង្កេតឃើញយាយតាឪពុកម្តាយកុមារជាច្រើននាក់ បានសម្រុកនាំកូនចៅ របស់ខ្លួនទៅចាក់វ៉ាក់សាំង ដើម្បីបង្ការជំងឺកូវីដ១៩ និងឆាប់បានទទួលការចូ លរៀនឡើងវិញ ។ 

ប្រភពព័ត៌មានបានឱ្យដឹងថា ៖ ចាប់តាំងពីថ្ងៃបើកយុទ្ធនាការដំបូង រហូតមកដល់ពេលនេះ ឪពុកម្តាយយាយតា ដែលមានកូនចៅចាប់ពីអាយុ០៦ឆ្នាំ រហូតដល់ក្រោម១២ឆ្នាំ បានសម្រុកនាំគ្នាទៅកាន់មណ្ឌលចាក់វ៉ាក់សាំង នានាទូទាំងខេត្ត ដោយធ្វើការចាប់លេខរៀង និងតម្រង់ជួរ ដើម្បីទទួលបានការចាក់វ៉ាក់សាំងប្រឆាំងជំងឺកូវីដ១៩ ។ ទោះបីជាមើលទៅហាក់ដូចជា មនុស្សច្រើន ត្រូវ ចំណាយពេលយូរបន្តិច តែក្រុមការងារ និងគ្រូពេទ្យ បានណែនាំឱ្យកុមារទាំងអស់ រក្សាគម្លាតសុវត្ថិភាព និងពាក់ម៉ាស ការពារកុំឱ្យឆ្លងជំងឺនៅកន្លែងចាក់វ៉ាក់សាំងផងដែរ ។  

 លោកជំទាវ បាន ស្រីមុំ អភិបាលខេត្តប៉ៃលិន បានលើកឡើងថា ៖ ដើម្បីចូលរួមជាមួយរាជរដ្ឋាភិបាលកម្ពុជា ក្នុងការទប់ស្កាត់ការឆ្លងរីករាលដាលនៃជំងឺកូវីដ ១៩ រដ្ឋបាលខេត្ត បានរៀបចំផែ នការ ចាក់វ៉ាក់សាំងការពារជំងឺកូវីដ-១៩ ជូនដល់កុមារ អាយុចាប់ពី០៦ឆ្នាំ ដល់ក្រោម១២ឆ្នាំ តាមរយៈគោលការណ៍ចុះឈ្មោះស្ម័គ្រចិត្ត ចាក់វ៉ាក់សាំង ជាមួយអាជ្ញាធរភូមិ ឃុំ-សង្កាត់ និងក្រុង-ស្រុក នៅទូទាំងខេត្ត ពិសេសនៅតំបន់មានហានិភ័យខ្ពស់ ។ លោកជំទាវបានបញ្ជាក់ថា តំណាងឲ្យក្មួយៗ កុមារដែលមានអាយុចាប់ពី០៦ ដល់អាយុក្រោម១២ឆ្នាំ ក៏ដូចជាប្រជាពលរដ្ឋ មាតាបិតា ឬ អាណាព្យាបាលទូទាំងខេត្ត សូមថ្លែងអំណរគុណ ចំពោះរាជរដ្ឋាភិបាលកម្ពុជា ដែលតែងតែរួមសុខរួមទុក្ខ គិតគូរ ពីសុខភាព ជីវភាពប្រជាពលរដ្ឋទូទាំងប្រទេស ជាពិសេស ប្រជាពលរដ្ឋខេត្តប៉ៃលិនតែម្តង ។

គួររំលឹកថា យុទ្ធនាការចាក់វ៉ាក់សាំងនេះ ចាប់ផ្តើមតាំងពីថ្ងៃទី១៧ ខែកញ្ញា ឆ្នាំ២០២១ ពេលព្រឹកចាប់ពីម៉ោង ៨ និង០០នាទី ដល់ម៉ោង១១ និង០០នាទីព្រឹក ពេលរសៀលចាប់ពីម៉ោង ២ និង០០ នាទីរសៀល ដល់ម៉ោង ៥ និង០០នាទីល្ងាច ពោលគឺបើកយុទ្ធនាការចាក់វ៉ាក់សាំងរយ:ពេល២សប្តាហ៍ ដែលមាននៅទីតាំងដូចតទៅ ៖ នៅមន្ទីរពេទ្យបង្អែកខេត្តប៉ៃលិន ស្ថិតក្នុងភូមិវត្ត សង្កាត់ប៉ៃលិន ក្រុងប៉ៃលិន ។ មណ្ឌលសុខភាពផ្សារព្រំ  ស្ថិតក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ មណ្ឌលសុខភាពភ្នំស្ពង់ ស្ថិតក្នុងភូមិភ្នំស្ពង់ ឃុំសាលាក្រៅ ស្រុកសាលាក្រៅ មណ្ឌលសុខភាពភ្នំព្រាល ស្ថិតក្នុងភូមិភ្នំព្រាល ឃុំស្ទឹងត្រង់ ស្រុកសាលាក្រៅ ។ លើសពីនេះ សូមកុំភ្លេចភ្ជាប់មកជាមួយនូវ សំបុត្រកំណើត ឬសំបុត្របញ្ជាក់កំណើត  សៀវភៅគ្រួសារ ឬ សៀវភៅស្នាក់នៅ ផងដែរ ៕ ដោយ ៖ នាក់ ង៉យ








0 $type={blogger}:

Post a Comment

 
គេហទំព័រ WWW.KMSTVONLINE.COM ទីស្នាក់ការកណ្តាល : លេខ៤៨អឺ០ ភូមិ៣ ផ្លូវ៣៤៨ សង្កាត់បឹងកេងកង៣ ខណ្ឌបឹងកេងកង ភ្នំពេញ ទំនាក់ទំនង Tele: 012 880 593