នៅវេលាម៉ោង ៨ៈ៣០ នាទីព្រឹក ថ្ងៃព្រហស្បតិ៍្ត ៧រោច ខែអស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនិងថ្ងៃទី ២៨ ខែ តុលា ឆ្នាំ២០២១ លោក ឌី រ័ត្នខេមរុណ អភិបាលរង ខណ្ឌមានជ័យ តំណាងលោក ពេជ្រ កែវមុនី អភិបាលខណ្ឌមានជ័យ បានអញ្ជើញជាគណៈអធិបតី ក្នុងកិច្ចប្រជុំសាមញ្ញលើកទី ២៩ របស់ក្រុមប្រឹក្សាខណ្ឌមានជ័យ អាណត្តិទី៣ ក្រោមអធិបតីភាព លោក អែម សុខលាង ប្រធានក្រុមប្រឹក្សាខណ្ឌមានជ័យ ។ កិច្ចប្រជុំនេះ មានរបៀបវារៈ ដូចខាងក្រោម ៖ ១. ពិនិត្យ និងអនុម័ត សេចក្តីព្រាងកំណត់ហេតុនៃកិច្ចប្រជុំសាមញ្ញលើកទី២៨ របស់ក្រុមប្រឹក្សាខណ្ឌមានជ័យ អាណត្តិទី៣ កាលពីថ្ងៃទី៣០ ខែកញ្ញា ឆ្នាំ២០២១ ។ ២. ពិនិត្យ និងអនុម័ត របាយការណ៍ស្តីពី ការអនុវត្តការងាររបស់រដ្ឋបាល ខណ្ឌមានជ័យ ប្រចាំខែតុលា ឆ្នាំ២០២១ ។ ៣. ពិនិត្យ និងអនុម័ត ប្រាក់រង្វាន់លើកទឹកចិត្តជូនមន្រ្ដីរាជការ សាលាខណ្ឌមានជ័យ ប្រចាំខែតុលា ឆ្នាំ២០២១ ។ ៤. បញ្ហាផ្សេងៗ
