ផ្សាយពាណិជ្ជកម្ម
គេហទំព័រ WWW.KMSTVONLINE.COM ទីស្នាក់ការកណ្តាល : លេខ៤៨អឺ០ ភូមិ៣ ផ្លូវ៣៤៨ សង្កាត់បឹងកេងកង៣ ខណ្ឌបឹងកេងកង ភ្នំពេញ ទំនាក់ទំនង Tele: 012 880 593 >

ផ្សាយពាណិជ្ជកម្ម
គេហទំព័រ WWW.KMSTVONLINE.COM ទីស្នាក់ការកណ្តាល : លេខ៤៨អឺ០ ភូមិ៣ ផ្លូវ៣៤៨ សង្កាត់បឹងកេងកង៣ ខណ្ឌបឹងកេងកង ភ្នំពេញ ទំនាក់ទំនង Tele: 012 880 593 >

ព័ត៌មានប្រចាំថ្ងៃ


ប្រជាពលរដ្ឋ និងអាជ្ញាធរជាតិអប្សរាប្រតិកម្មតបនឹងការផ្សាយរបស់ផេកហ្វេសប៊ុក The Cambodia Daily Khmer ពីការកាប់ដើមឈើនៅខាងមុខអង្គរវត្ដ ជាព័ត៌មានបំផ្លើសការពិត !

សៀមរាប៖ ប្រជាពលរដ្ឋ ដែលលក់ដូរនៅខាងមុខប្រាសាទអង្គរវត្ដ បានប្រតិកម្មតបជាមួយនឹងអ្នករិះគន់ និងប្រព័ន្ធផ្សព្វផ្សាយតាមបណ្ដាញសង្គមហ្វេសប៊ុក ដែលមានឈ្មោះថា ឌឺខេមបូឌាដេលីខ្មែរ (Cambodia Daily Khmer) ថា ជាជនអគតិ ហើយការផ្សព្វផ្សាយព័ត៌មានចេតនាបំភ្លើស និងជាព័ត៌មានខ្វះការយល់ដឹង ដែលថាអាជ្ញាធរជាតិអប្សរាកាប់បំផ្លាញដើមឈើធ្វើអាជីវកម្មនោះ។

កាលពីថ្ងៃទី១៥ ខែកញ្ញា ឆ្នាំ២០២១នេះ ផេកហ្វេសប៊ុក The Cambodia Daily Khmer បានផ្សព្វផ្សាយថា ដើមឈើទាលធំៗមានអាយុកាលរាប់រយឆ្នាំ ដុះក្នុងតំបន់ឧទ្យានអង្គរ ទល់មុខប្រាសាទអង្គរវត្ត ដែលទាក់ទាញភ្ញៀវទេសចរនោះ កំពុងប្រឈមងាប់ជាបណ្តើរៗ ដោយសារដាក់ថ្នាំពុល និងមានដើមឈើខ្លះទៀត ត្រូវគេកាប់ដោយស្របច្បាប់។

ករណីនេះប្រជាពលរដ្ឋ ជាអាជីវករលក់ដូរនៅខាងមុខអង្គរវត្ដក្បែរដើមឈើនោះ បានលើកឡើងថា ការផ្សព្វផ្សាយព័ត៌មានបែបនេះ ជាព័ត៌មានបំភ្លើសខ្វះការពិត ដែលមានចរិតញុះញង់ឱ្យមានការភាន់ច្រឡំ ព្រោះថា ដើមឈើដែលអាជ្ញាធរជាតិអប្សរា បានកាប់ចោលនោះ វាមានស្ថានភាពងាប់ ហើយខ្លាចមានគ្រោះថ្នាក់ដល់អ្នកលក់ដូរ និងកូនចៅរបស់ពួកគាត់ខាងក្រោមដើមឈើ ព្រមទាំងខ្លាចមានហានីភ័យដល់អ្នកទេសចរណ៍ផងដែរ។ ពួកគាត់ថា ដើមឈើនោះ មិនមានការដាក់ថ្នាំសម្លាប់ និងកាប់ធ្វើអាជីវកម្មនោះទេ ដូចការលើកឡើងនោះទេ គឺកាប់ចោល ដើម្បីបញ្ចៀសគ្រោះថ្នាក់ដល់មនុស្សតែប៉ុណ្ណោះ។

ពួកគាត់បានប្រតិកម្មថា ការផ្សព្វផ្សាយព័ត៌មានបែបនេះជាព័ត៌មានខ្វះការយល់ដឹង ជាព័ត៌មានក្លែងក្លាយ ហើយព័ត៌មានបែបនេះ មានតែជនអគតិទេដែលហ៊ានយកទៅផ្សាយខ្វះការពិចារណា។ ពួកគាត់បានគាំទ្រការកាប់ដើមឈើងាប់នៅខាងមុខអង្គរចោល ព្រោះខ្លាចមានគ្រោះថ្នាក់ដល់មនុស្ស ជាពិសេសដល់កន្លែងលក់ដូររបស់ពួកគាត់។ពួកគាត់បានលើកឡើងថា ប្រជាពលរដ្ឋពូកែរិះគន់ ដែលត្រូវរិះគន់ ឱ្យមានការស្រាវជ្រាវរកការពិត ដើម្បីយកទៅផ្សព្វផ្សាយឱ្យមានជឿជាក់ពីប្រជាពលរដ្ឋ ផ្ទុយទៅវិញបើរិះគន់ជាន់ពន្លិចនោះទេ ពួកគាត់អស់ជំនឿទៅលើប្រព័ន្ធផ្សព្វផ្សាយបែបនេះហើយ។

ជុំវិញបញ្ហានេះ លោក យិត ចាន់ដារដ្ឋ អគ្គនាយករង នៃអាជ្ញាធរជាតិអប្សរា មានប្រសាសន៍ថា ដើមឈើដែលបានកាប់ចោលនោះ ត្រូវបានថែទាំយ៉ាងម៉ត់ចត់បំផុត ដើម្បីឱ្យមានជីវិត ប៉ុន្ដែវាមានអាយុកាលច្រើនឆ្នាំហើយទើបអាជ្ញាធត្រូវកាប់ចោល ដើម្បីបញ្ចៀសគ្រោះថ្នាក់ដល់ភ្ញៀវទេសចរ ហើយការកាប់នេះមានការជូនដំណឹងជាមុន មិនមែនកាប់ធ្វើអាជីវកម្មដូចការរិះគន់របស់បុគ្គលអគតិមួយចំនួន និងការចុះផ្សាយតាមបណ្ដាសង្គមហ្វេសប៊ុករបស់ The Cambodia Daily Khmer នោះទេ។

លោក បានបន្ដថា ដើមឈើនៅខាងមុខអង្គរនោះ មានច្រើនដើមដែលបានមានហានីភ័យដល់ភ្ញៀវទេសចរ សំណង់អគារជាដើម ជាក់ស្ដែងដើមឈើទាលនៅខាងអង្គរវត្ដ ដែលអាចបង្ករគ្រោះថ្នាក់ដល់អ្នកទេសចរណ៍។ លោកបញ្ជាក់ថា ដើមឈើពិតមែនតែជារុក្ខជាតិ ប៉ុន្ដែវាក៏មានជំងឺដូចមនុស្សសត្វដែរ ដែលលោកចាត់ទុកថា ការរិះគន់ និងការផ្សព្វផ្សាយតាមហ្វេសប៊ុក The Cambodia Daily Khmer ជាព័ត៌មានបំភ្លើសខ្វះការពិត។

បើតាមលោក យិត ចាន់ដារដ្ឋ ដើមឈើនៅខាងមុខអង្គរ ក្នុងបរិវេណប៉ាកវី នឹងត្រូវកាត់ចោលបន្ថែមទៀត ព្រោះវាបានងាប់ ទោះបីអ្នកជំនាញអាជ្ញាធរជាតិខិតខំថែរក្សាយ៉ាងក៏ដោយ ដើម្បីកុំឱ្យមានហានីភ័យដល់អ្នកទេសចរ ក៏ដូចប្រជាពលរដ្ឋអាជីវករផងដែរ៕ ដោយ៖ មន្ទីរព័ត៌មានខេត្តសៀមរាប សម្រួលផ្សាយដោយ៖ ធូ កុសល

សម្ដេចតេជោនាយករដ្ឋមន្ត្រី អញ្ជើញធ្វើសន្និសីទសារព័ត៌មាន ស្ដីពីការចាក់វ៉ាក់សាំងបង្ការជំងឺកូវីដ-១៩ និងការវិវត្ត នៃជំងឺកូវីដ-១៩ នៅកម្ពុជា

ភ្នំពេញ: ថ្ងៃទី១៧ ខែកញ្ញា ឆ្នាំ២០២១

សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញធ្វើសន្និសីទសារព័ត៌មាន ស្ដីពីការចាក់វ៉ាក់សាំងបង្ការជំងឺកូវីដ-១៩ និងការវិវត្តនៃជំងឺកូវីដ-១៩ នៅក្នុងប្រទេសកម្ពុជា ដែលសន្និសីទសារព័ត៌មាននេះ ធ្វើឡើងនៅវិមានសន្តិភាព រាជធានីភ្នំពេញ នាព្រឹកថ្ងៃទី១៧ ខែកញ្ញា ឆ្នាំ២០២១ ។

រូបថត៖ ទំព័រហ្វេសប៊ុកសម្តេចនាយករដ្ឋមន្រ្តី



រដ្ឋបាលខេត្តប៉ៃលិន ប្រកាសជូនដំណឹងស្តីពីការចាក់វ៉ាក់សាំងការពារជំងឺកូវីដ១៩ ដល់កុមារមានអាយុចាប់ពី០៦ឆ្នាំ ដល់ អាយុក្រោម១២ឆ្នាំ នៅទូទាំងខេត្តប៉ៃលិន

 

ខេត្តប៉ៃលិន ៖ រហូតមកដល់ពេលនេះរដ្ឋបាលខេត្តប៉ៃលិន បានចេញសេចក្តីជូនដំណឹងលេខ២០០/២១សជណ. ស្តីពីការចាក់វ៉ាក់សាំងការពារជំងឺកូវីដ ១៩ ជូនដល់កុមារ មានអាយុចាប់ពី០៦ឆ្នាំ ដល់ក្រោម១២ឆ្នាំ ដែលរស់នៅក្នុងខេត្តប៉ៃលិន។ 

លោកជំទាវ បាន ស្រីមុំ អភិបាលខេត្ត បានលើកឡើងថា ៖ រាជរដ្ឋាភិបាលក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលបានដាក់ចេញ «យុទ្ធនាការជាតិចាក់វ៉ាក់សាំង» សំដៅបង្កើតឱ្យមានភាពស៊ាំ ក្នុងសហគមន៍ ទប់ទល់នឹងការឆ្លងរីករាលដាលនៃជំងឺកូវីដ-១៩ នៅក្នុងសហគមន៍។ ដើម្បីចូលរួមជាមួយរាជរដ្ឋាភិបាលកម្ពុជា ក្នុងការទប់ស្កាត់ការឆ្លងរីករាលដាលនៃជំងឺកូវីដ១៩នេះ រដ្ឋបាលខេត្ត បានរៀបចំផែនការខេត្ត ចាក់វ៉ាក់សាំងការពារជំងឺកូវីដ-១៩ ជូនដល់កុមារអាយុចាប់ពី០៦ឆ្នាំ ដល់អាយុក្រោម១២ឆ្នាំ តាមរយៈគោលការណ៍ចុះឈ្មោះស្ម័គ្រចិត្ត ចាក់វ៉ាក់សាំង ជាមួយអាជ្ញាធរភូមិ ឃុំ-សង្កាត់ និងក្រុង-ស្រុក នៅទូទាំងខេត្ត ពិសេសនៅតំបន់មានហានិភ័យ។

លោកជំទាវបានបន្តទៀតថា "នាងខ្ញុំតំណាងឲ្យប្អូនៗ កុមារដែលអាយុចាប់ពី ០៦ឆ្នាំ ដល់អាយុក្រោម១២ឆ្នាំ ក៏ដូចជា បងប្អូន ប្រជាពលរដ្ឋ មាតាបិតា ឬ អាណាព្យាបាលកុមារទាំងអស់ ទូទាំងខេត្តប៉ៃលិន សូមគោរពថ្លែងអំណរគុណ ចំពោះប្រមុខរាជរដ្ឋាភិបាល សម្តេចអគ្គមហាសេនាតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ប៊ុន រានី ហ៊ុន សែន ថ្នាក់ដឹកនាំក្នុងជួររដ្ឋាភិបាល រួមទាំង សម្តេចទាំងទ្វេ តែងតែរួមសុខរួមទុក្ខ គិតគូរពី សុខភាព ជីវភាព របស់ប្រជាពលរដ្ឋទូទាំងប្រទេស ជាពិសេស ពុកម៉ែបងប្អូនប្រជាពលរដ្ឋខេត្តប៉ៃលិន ។

គោរពជូនពរសម្តេច ឯកឧត្តម លោកជំទាវ ទទួលបានសុខភាពល្អ ជាម្លប់ដ៍ត្រជាក់ត្រជុំសំរាប់កូនចៅជារៀងរហូត ។

សូមបញ្ជាក់ផងដែរថា ៖ យុទ្ធនាការនៃការចាក់វ៉ាក់សាំងនេះ ចាប់ថ្ងៃទី១៧ ខែកញ្ញា ឆ្នាំ២០២១ ពេលព្រឹកចាប់ពីម៉ោង ៨ និង០០នាទីព្រឹក ដល់ម៉ោង ១១ និង០០នាទី ។ ពេលរសៀលចាប់ពីម៉ោង ២ និង០០នាទីរសៀល ដល់ម៉ោង ៥ និង០០នាទីល្ងាច នៅតាមទីតាំងដូចខាងក្រោម ៖

-មន្ទីរពេទ្យបង្អែកខេត្តប៉ៃលិន ស្ថិតក្នុងភូមិវត្ត សង្កាត់ប៉ៃលិន ក្រុងប៉ៃលិន

-មណ្ឌលសុខភាពផ្សារព្រំ  ស្ថិតក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ 

-មណ្ឌលសុខភាពភ្នំស្ពង់ ស្ថិតក្នុងភូមិភ្នំស្ពង់ ឃុំសាលាក្រៅ ស្រុកសាលាក្រៅ

-មណ្ឌលសុខភាពភ្នំព្រាល ស្ថិតក្នុងភូមិភ្នំព្រាល ឃុំស្ទឹងត្រង់ ស្រុកសាលាក្រៅសូមកុំភ្លេចភ្ជាប់មកជាមួយនូវ សំបុត្រកំណើត ឬសំបុត្របញ្ជាក់កំណើត  សៀវភៅគ្រួសារ ឬ សៀវភៅស្នាក់នៅ ៕ ដោយ ៖ នាក់ ង៉យ











អភិបាលខេត្តសៀមរាបបង្ហាញថា ប្រជាពលរដ្ឋមួយចំនួននៅក្រុងសៀមរាប នៅតែប្រហែស ខ្វះការប្រុងប្រយ័ត្ន បំពាន និងមិនមានការឈ្វេងយល់ពីហានិភ័យ នៃជំងឺកូវីដ-១៩

សៀមរាប :ថ្ងៃទី១៥ ខែកញ្ញា ឆ្នាំ២០២១

ឯកឧត្តម ទៀ សីហា អភិបាលខេត្តសៀមរាប នៅថ្ងៃ៩កើត ខែភទ្របទ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃពុធ ទី១៥ ខែកញ្ញា ឆ្នាំ២០២១នេះ បានបង្ហាញតាមរយៈផេកហ្វេប៊ុកផ្ទាល់ខ្លួនរបស់ឯកឧត្តមថា ក្នុងកាលៈទេសៈដ៏លំបាកនេះហើយ បងប្អូនប្រជាពលរដ្ឋមួយចំនួននៅតែប្រហែស ខ្វះការប្រុងប្រយ័ត្ន បំពាន និងមិនមានការឈ្វេងយល់ពីហានិភ័យនៃជំងឺកូវីដ-១៩។

ឯកឧត្តមបន្តថា អាជ្ញាធរយើងខ្ញុំបានខិតខំណែនាំហើយណែនាំទៀត អង្វរផង និងអំពាវនាវផង បងប្អូនប្រជាពលរដ្ឋមួយចំនួននៅតែមិនស្តាប់ មិនចូលរួម។ ខ្ញុំត្រូវបង្ខំចិត្តឱ្យក្រុមការងារចាត់វិធានការ ចំពោះបងប្អូនមួយចំនួននេះ ក្នុងការផាកពិន័យ និងដាក់ទោសតាមច្បាប់ ។ សូមបងប្អូនប្រជាពលរដ្ឋ កុំឆ្លៀតធ្វើអ្វីដែលខុសពីការណែនាំ ព្រោះបងប្អូនអាចប្រឈមនឹងផ្លូវច្បាប់ បងប្អូនអាចត្រូវបិទអាជីវកម្ម បិទហាង បាត់បង់ការងារ បងប្អូនអាចឆ្លងកូវីដ-១៩ និងនាំយកជំងឺចូលផ្ទះ ឆ្លងដល់ប្តីប្រពន្ធ ឆ្លងដល់កូន ឆ្លងដល់ឪពុកម្ដាយដែលចាស់ជរា បងប្អូននឹងអាចធ្វើឱ្យបាត់បង់សមាជិកក្រុមគ្រួសារ ដោយសារតែទប់ចិត្តមិនបាន ជួបជុំគ្នាផឹកស៊ីសប្បាយក្នុងមួយគ្រា។

ឯកឧត្តមអភិបាលខេត្ត មានប្រសាសន៍ថា ខ្ញុំសូមអង្វរ និងអំពាវនាវម្តងទៀតដល់បងប្អូនប្រជាពលរដ្ឋ សូមចូលអនុវត្តន៍ គ្រប់គ្រងកូនចៅឱ្យបានល្អ បើមិនមានការចាំបាច់កុំចេញពីផ្ទះ ដើម្បីសុវត្ថិភាព ដោយផ្អាកការប្រមូលផ្តុំ ការជួបជុំផឹកស៊ី និងសកម្មភាពទាំងឡាយដែលផ្ទុយពីវិធានការការពាររបស់ក្រសួងសុខាភិបាល។ កាពារខ្លួនឯងស្មើនឹងការពារក្រុមគ្រួសាររបស់លោកអ្នក រស់នៅតាមបែបគន្លងថ្មី ៣ការពារគឺ ត្រូវពាក់ម៉ាស, ត្រូវលាងសម្អាតដៃ, ត្រូវរក្សាគម្លាតបុគ្គល ។ ៣កុំ គឺកុំនៅបន្ទប់បិទជិត, កុំនៅកន្លែងមានមនុស្សច្រើនកុះករ, កុំប៉ះពាល់គ្នា។

សូមបញ្ជាក់ថា បន្ទាប់ពីរដ្ឋបាលខេត្តសៀមរាប សម្រេចកំណត់ជា "តំបន់លឿងទុំ" នៅក្នុងភូមិសាស្ត្រក្រុងសៀមរាប ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ នៅក្នុងខេត្តសៀមរាបរួចមក រដ្ឋបាលខេត្តបានសង្កេតឃើញថា មានបងប្អូនប្រជាពលរដ្ឋមួយចំនួនមិនអនុវត្តន៍តាមខ្លឹមសារនៃសេចក្តីសម្រេច និងច្បាប់ស្តីពីវិធានការទប់ស្កាត់ ការឆ្លងរាលដាលនៃជំងឺ កូវីដ-១៩ និងជំងឺឆ្លងកាចសាហាវ ដែលប្រកបដោយគ្រោះថ្នាក់ធ្ងន់ធ្ងរផ្សេងទៀត ព្រមទាំងលិខិតបទដ្ឋានគតិយុត្តពាក់ព័ន្ធជាធរមាន។

ដើម្បីជាផលប្រយោជន៍ នៃសុខភាពសាធារណៈ និងទប់ស្កាត់ការឆ្លងរាលដាលជំងឺកូ វីដ-១៩ ឱ្យមានប្រសិទ្ធភាពខ្ពស់ សមត្ថកិច្ចនឹងចុះល្បាតគ្រប់ច្រកល្ហក ក្នុងភូមិសាស្ត្រក្រុងសៀមរាប។ ចំពោះបុគ្គលទាំងឡាយណាមិនអនុវត្តន៍តាមវិធានការរដ្ឋបាល នឹងត្រូវផ្តន្ទាទោសតាមខ្លឹមសារមាត្រា១០ និងមាត្រា១១ នៃច្បាប់ស្តីពីវិធានការទប់ស្កាត់ការឆ្លងរាលដាល នៃជំងឺ កូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត ៕

ដោយឃុត សៅ, សម្រួលផ្សាយ៖ Dara

មេប៉ុស្តិ៍ឃុំសំរោងធំ ស្រុកកៀនស្វាយ រង ការរិះគន់ ចាប់ពលរដ្ឋ រួចដោះលែងវិញ ជាថ្នូរការបង់លុយ


កណ្ដាល ៖ នា ពេល ថ្មីៗ នេះ លោក ហួត សីហា មេប៉ុស្តិ៍ឃុំសំរោងធំ ស្រុក កៀនស្វាយ ខេត្ត កណ្ដាល បាន បែកធ្លាយ ចេញ នូវ ការរិះគន់ ជា បន្តបន្ទាប់ ពាក់ព័ន្ធ នឹង ការប្រើ សម្តី អសុ រោះ ចំពោះ ថ្នាក់ ក្រោម ក្នុង អង្គភាព និង ករណី ល្បីល្បាញ ខ្លាំង ថា ជម្រិត ពលរដ្ឋ ទារប្រាក់ ជា ថ្នូរ នឹង ការដោះលែង។

យោងតាម ប្រភព ប្រជាពលរដ្ឋ បានអោយដឹងថា លោក ហួត សីហា មេ ប៉ុស្តិ៍ ឃុំ សំរោង ធំ ស្រុក កៀនស្វាយ កន្លងមក មាន លេចឮល្បី ថា ធ្វើ ព្យុះ ធ្វើ ភ្លៀង ក្នុង ឃុំ សំរោង ធំ តាម អំពើ ចិត្ត ដែល ជាហេតុ ធ្វើអោយ ប្រជាពលរដ្ឋ និង មន្ត្រីក្រោមឱវាទ មិន សប្បាយចិត្ត ដូច ជា ការ ប្រើ សម្ដី អសុរោះ ហៅ មន្ត្រីក្រោមឱវាទ ដែល ជា រៀមច្បង ( អាយុ បង ) សុទ្ធតែ អា មឹង ជាដើម។

ពាក់ព័ន្ធ នឹង បញ្ហា នេះ មាន ការលេចឮមក ថា មេ ប៉ុស្ដិ៍សំរោង ធំ លោក ហួត សីហា ល្បី ខាង ប្រើ អំណាច លើ ពលរដ្ឋ បែកធ្លាយ ហើយ ត្រូវបាន លោកស្នងការ ខេត្ត កណ្ដាល ដាក់ អោយ ធ្វើការ ត្រូតពិនិត្យ នៅ ការិយាល័យ បុគ្គលិក។

ដោយឡែក រឿង ដែល ក្តៅៗ ហើយ ល្បី ខ្លាំង គឺពាក់ព័ន្ធ នឹង ករណី ចាប់ ពលរដ្ឋ សង្ស័យ ជម្រិត ទារប្រាក់ យ៉ាង សម្បើម ជាហេតុ ធ្វើអោយ មាន ការរិះគន់ ពី មជ្ឈដ្ឋាន ពលរដ្ឋ។

ករណីទី១ ពាក់ព័ន្ធ នឹង ជម្រិត ទារប្រាក់ ពី ប្រជាពលរដ្ឋ ក្នុងព្រៃ ករណី ចាប់ គ្រឿងញៀន នៅ ថ្ងៃ ៣០ ខែកក្កដា ឆ្នាំ ២០២១ នៅ ចំនុច ព្រែក តាកែវ ឃុំ សំរោង ធំ ដោយ ចាប់ បាន យុវជន បី នាក់៖

-ជនសង្ស័យ ទី 1 ឈ្មោះ ឈិត ភេទ ប្រុស មុខរបរ មិន ពិតប្រាកដ

-ជនសង្ស័យ ទី 2 ឈ្មោះ បូរី ភេទ ប្រុស មុខរបរ មិន ពិតប្រាកដ។

-ជនសង្ស័យ ទី 3 ឈ្មោះ អា យោង ( បង អា បូរី ) ភេទ ប្រុស មុខរបរ មិន ពិតប្រាកដ។

យុវជន ទាំង បី នាក់ ខាងលើនេះ ត្រូវ ចាប់ខ្លួន ពាក់ព័ន្ធ មុខសញា ប្រើប្រាស់ គ្រឿងញៀន 3 នាក់ ហើយ ត្រូវបាន ទារប្រាក់ ចំនួន 3500$ ( បី ពាន់ ប្រាំ រយ ដុល្លារ ) ។ ក្នុងនោះ ជនសង្ស័យ ទី ០១ ឈ្មោះ ឈិត បង់លុយ ៤ លាន រៀល ហើយ ម្ដាយ ឈ្មោះ នេះ បាន សុំ ពី លោកនាយ ប៉ុស្ដិ មក វិញ បាន ២០ ម៉ឺន រៀល វិញ ។ ដោយឡែក ជនសង្ស័យ ពីរ នាក់ ផ្សេងទៀត ឈ្មោះ បូរី និង ឈ្មោះ យោង គឺ បង់អស់ 2500$ ( តាម ប្រភព ប្រជាពលរដ្ឋ ) នៅ ចំណុច ចម្ការ ដើមកា ស្យា ភូមិ ព្រែក តាកែវ ស្រុក កៀនស្វាយ

ករណី ទី 2 នៅ ថ្ងៃ ទី 30 ខែកក្កដា ឆ្នាំ 2021 នោះ ដដែល នា ពេល ល្ងាច លោក ហួត សីហា មេ ប៉ុស្តិ៍ សំរោង ធំ បាន ចុះ បង្ក្រាប ករណី លេង ប៊ៀរ ហើយ បាន ចាប់ យុវជន ឈ្មោះ សាល នៅ ចំណុច កំប្លោក វិល ផ្ទះ ខាង ប្រពន្ធ របស់ យុវជន ឈ្មោះ សាល ដោយ ជំរិត ទារប្រាក់ នៅ ក្នុង ព្រៃ ចំនួន 10 លាន រៀល រួម នឹង ខ្សែដៃ ផ្លាក ទីន ចំនួន មួយ ខ្សែរ ជា ថ្នូរ នឹង ការដោះលែង ។ ពលរដ្ឋ ឈ្មោះ សាល ដែល មាន ម្ដាយ ឈ្មោះ ថាច ឪពុក ឈ្មោះ សំ រស់ នៅក្នុង ភូមិ ស្ទឹង ពី ហៅ ភូមិ ក្របី ឃុំ សំរោង ធំ ស្រុក កៀនស្វាយ ។

កណី ទី 3 សង្ស័យ ជា បទល្មើស គ្រឿងញៀន លោក ហួត សីហា មេ ប៉ុស្តិ៍ សំរោង ធំ បាន ស្ទាក់ ចាប់បាន ម៉ូតូ ម៉ាក ស្កុប ពី មួយ គ្រឿង ពណ៌ ខ្មៅ បិទ ក្រហម ស្លាក លេខ ភ្នំពេញ 2050 ហើយ ឮថា បាន ជម្រិត ទារប្រាក់ ពី ម្ចាស់ ម៉ូតូ ទឹកប្រាក់ 700$ ( ប្រាំពីរ រយ ដុល្លារ ) ។ ដោយ ម្ចាស់ ម៉ូតូ ពុំមាន លទ្ធភាព បង់ ក៏ សូម បង់ តែ 200$ តែ មេ ប៉ុស្តិ៍ មិន ព្រម។

ចំពោះ ករណី នេះ មានការ បែកធ្លាយ ដល់ លោក ស្នងការ ខេត្ត កណ្ដាល លោក ក៏ បាន ដាក់ កម្លាំង ចុះ ត្រួតពិនិត្យ ។ ក្រោយមក លោក ហួត សីហា មេ ប៉ុស្តិ៍ សំរោង ធំ បាន ប្រគល់ ម៉ូតូ ជូន ម្ចាស់ ដើម វិញ ។ ពាក់ព័ន្ធ នឹង ការចាប់ ឃាត់ ម៉ូតូ នេះ មាន លេចឮមក ថា កន្លងមក ម៉ូតូ ជា ច្រើន គ្រឿង ដែល លោក ហួត សីហា មេ ប៉ុស្ត៍ សំរោង ធំ ចាប់ ពី បទល្មើស បាន គឺ គាត់ បាន យកទៅ លក់ ធ្វើ ជា ទ្រព្យសម្បត្តិ ផ្ទាល់ខ្លួន យ៉ាង ហ៊ឹកហ៊ាក់

ពាក់ព័ន្ធ នឹង ករណី ខាងលើនេះ ត្រូវបាន លោក ស្នងការ ខេត្តកណ្ដាល ឲ្យ ជំនាញ ចុះ ត្រួតពិនិត្យ ។ ហើយ យ៉ាងណាម៉ិញ តាម ព័ត៌មាន មក អោយ ដឹងថា ក្រុម ប្រជាពលរដ្ឋ ដែល រង ការ ចាប់ជំរិត ទារប្រាក់ ពី លោកនាយ ប៉ុស្ដិ៍សំរោង ធំ កំពុង ដាក់ ពាក្យបណ្ដឹង នៅ អធិការដ្ឋាន ស្រុក ។ ចាំ មើល ថា តើ លោក អធិការ ស្រុក មាន ចំណាត់ការ កូនចៅ ខ្លួន ដែររឺទេ ? អង្គភាព យើងខ្ញុំ នឹង រង់ចាំ បន្ត មើល ព័ត៌មាន នេះ ទៀត ( តើ វាសនា លោក មេ ប៉ុស្តិ៍ សំរោង ធំ ទៅជា យ៉ាងណា បើ រឿង ធំ យ៉ាងនេះ !)។

ទោះបីយ៉ាងណា ក៏ដោយ ពាក់ព័ន្ធ នឹង ការរិះគន់ ចោទប្រកាន់ ខាងលើ នេះ អង្គភាព យើងខ្ញុំ មិនទាន់ ទទួល បាន ការបំភ្លឺ ពី លោក ហួត សីហា មេ ប៉ុស្តិ៍ ឃុំ សំរោង ធំ ស្រុក កៀនស្វាយ ខេត្ត កណ្ដាល នៅឡើយ។

ដោយឡែក ប្រជាពលរដ្ឋ រស់នៅ ក្នុង ឃុំ សំរោង ធំ ទាំងមូល មានចិត្ត សប្បាយ រីករាយ និង សូម កោតសរសើរ នូវ ចំណាត់ការ របស់ លោក ស្នងកា រ ខេត្តកណ្ដាល ឧត្តមសេនីយ៍ទោ ឈឿន សុ ចិត្ត ដែល តែងតែ ជួយ ដោះស្រាយ រាល់ ទុក្ខលំបាក របស់ ប្រជាពលរដ្ឋ ក្នុង ឃុំ សំរោង ធំ ក៏ដូចជា នៅ ក្នុង ខេត្តកណ្ដាល ទាំងមូល ៕




អភិបាលខេត្តប៉ៃលិន ដឹកនាំក្រុមការងាររដ្ឋបាលខេត្ត និងមន្ទីរអប់រំ យុវជន និងកីឡាខេត្ត មន្ទីរសុខាភិបាល ចុះពិនិត្យទីតាំងសាលានានា ក្នុងខេត្ត និងបើកអោយដំណើរការឡើងវិញ

 

ខេត្តប៉ៃលិន ៖ អនុវត្តតាមប្រសាសន៍ របស់សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា កាលពីថ្ងៃទី១៣ ខែកញ្ញា ឆ្នាំ២០២១នេះ លោកជំទាវ បាន ស្រីមុំ អភិបាលខេត្តប៉ៃលិន បានដឹកនាំក្រុមការងាររដ្ឋបាលខេត្ត មន្រ្តីរាជការ មន្ទីរអប់រំខេត្ត មន្ទីរសុខាភិបាល លោកគ្រូ អ្នកគ្រូ អាជ្ញាធរក្រុង ស្រុក ចុះពិនិត្យសាលារៀនមួយចំនួននៅក្នុងក្រុងប៉ៃលិន និង ស្រុកសាលាក្រៅ ខេត្តប៉ៃលិន ត្រៀមឱ្យសិស្សានុសិស្សចូលរៀននៅថ្ងៃទី១៥ ខែកញ្ញា ឆ្នាំ២០២១ ខាងមុខនេះ ។

លោកជំទាវ បាន ស្រីមុំ អភិបាលខេត្តប៉ៃលិន បានលើកឡើងថា ៖ លោកគ្រូ អ្នកគ្រូត្រូវយកចិត្តទុកដាក់ មើលការខុសត្រូវ លើសិស្សានុសិស្សទាំងអស់នៅតាមសាលារៀងៗខ្លួន ធ្វើយ៉ាងណាកុំឱ្យសាលារៀនដែលបើកបង្រៀនហើយ ត្រូវបិទវិញម្តងទៀត ដោយសារការឆ្លងជំងឺកូវីដ១៩ គឺត្រូវអនុវត្តតាមវិធានការ (៣ការពារ ៣កុំ) របស់ប្រមុខរាជរដ្ឋភិបាល និង ធ្វើតាមការណែនាំនានារបស់ក្រសួងសុខាភិបាល គឺលាងដៃជាមួយទឹកអាល់កុល ឬជែល ត្រូវឱ្យសិស្សពាក់ម៉ាសជាប់ជានិច្ច មិនត្រូវឱ្យចេញលេងជួបជុំគ្នានោះឡើយ ។ 

លោកជំទាវអភិបាលខេត្ត បានបន្តថា ៖ ចាប់ពីថ្ងៃបើកឱ្យដំណើរការចូលរៀនសារជាថ្មីឡើងវិញ ទាំងសាលាបឋមសិក្សា អនុវិទ្យាល័យ និងវិទ្យាល័យជាដើម បើសិនជាលោកគ្រូ អ្នកគ្រូ ឬគណ:គ្រប់ គ្រងនៃសាលារៀនណាមួយនៅទូទាំងខេត្ត ខិតខំប្រឹងប្រែងបំពេញតួនាទីភារកិច្ចរបស់ខ្លួន ដោយរៀបចំកែច្នៃទីធ្លាសាលារៀន ដែលជាសម្បត្តិរដ្ឋ ឱ្យក្លាយទៅជាកន្លែងមានរបៀបរៀបរយល្អ ជាពិសេសមានសោភ័ណភាព ស្រស់ស្អាតជាងគេ ទទួលបានជ័យលាភី ជាប់ចំណាត់ថ្នាក់លេខ១ ទូទាំងខេត្ត នឹងទទួលបានពានរង្វាន់ពីរដ្ឋបាលខេត្ត ចាប់ពី១០ទៅ២០លានរៀល ។ ហើយបើសាលារៀនលើសពីមួយកន្លែង រៀបចំបានស្អាតបាតល្អដូចៗគ្នា ទទួលបានចំណាត់ថ្នាក់លេខ១ដូចគ្នា បានរង្វាន់ដូចៗគ្នាផងដែរ ។ 

លោកជំទាវក៏បានក្រើនរំលឹកថា មិនត្រូវឱ្យអ្នកគ្រប់គ្រងសាលា កាត់ថវិកាពីលោកគ្រូ អ្នកគ្រូ ដើម្បីយកទៅទិញសម្ភារ:សាលារៀននោះឡើយ បើពិតជាខ្វះខាតមែន អាចទាក់ទងទៅខាងរដ្ឋបាល ខេត្ត នឹងចុះពិនិត្យជាក់ស្តែង អាចជួយឧបត្ថម្ភទាន់ពេលវេលា ។ លើសពីនេះ ល្គិកណា លោកជំទាវ ជាអភិបាលខេត្ត គឺមិនត្រូវឱ្យគណៈគ្រប់គ្រង ឬនាយកសាលាណាមួយ ប្រព្រឹត្តនូវអំពើពុករលួយនោះឡើយ ។ 


សូមបញ្ជាក់ផងដែរថា ៖បើតាមរបាយការណ៍ លោក តង់ ធារ៉ា ប្រធានមន្ទីរអប់រំ យុវជន និងកីឡា ខេត្តប៉ៃលិន បានឲ្យដឹងថា៖ នៅទូទាំងខេត្តប៉ៃលិន មានគ្រឹះស្ថានអប់រំរបស់រដ្ឋមានចំនួន៥៧ កន្លែង ខណៈគ្រឹះស្ថានអប់រំឯកជន មានចំនួន១២កន្លែង ។ ដោយឡែក សម្រាប់ការបើកដំណើរការគ្រឹះស្ថានអប់រំឡើងវិញនេះ មានសាលារៀនមួយចំនួនដូចជា  អនុវិទ្យាល័យ និងបឋមសិក្សាបរយ៉ាខា អនុវិទ្យាល័យ និងបឋមសិក្សាប៉ាងរលឹម អនុវិទ្យាល័យ ហ៊ុន សែន អូរដូនតា បឋមសិក្សាដីស បឋមសិក្សាផ្ទះស្បូវ បឋមសិក្សាកូនដំរី  ឯសាលាមួយចំនួនទៀតដែលនៅសេសសល់ និងត្រូវសិក្សាពិនិត្យស្ថានភាពជាក់ស្តែងបើកអោយដំណើរការជាបន្តបន្ទាប់ ៕ ដោយ ៖ នាក់ ង៉យ









អភិបាលខេត្តកែប បានអញ្ជើញជាអធិបតីក្នុងពិធីបើកការដ្ឋានគម្រោងជួសជុលផ្លូវចាក់បេតុងអាមេប្រវែង ១,២៥០ម៉ែត្រ ទទឹង១០ ម៉ែត្រ

កែប៖ ឯកឧត្តម សោម ពិសិដ្ឋ អភិបាលនៃគណៈអភិបាល ខេត្តកែបនៅព្រឹកទី១៣ ខែកញ្ញា ឆ្នាំ២០២១ នេះ

បានអញ្ជើញជាអធិបតីក្នុងពិធីបើកការដ្ឋានគម្រោងជួសជុលផ្លូវចាក់បេតុងអាមេប្រវែង ១,២៥០ម៉ែត្រ ទទឹង១០ ម៉ែត្រ ដោយតភ្ជាប់ពីផ្លូវជាតិលេខ៣៣ កាត់ខាងក្រោយវត្តកែវក្រសាំងឆ្ពោះទៅផ្លូវជាតិលេខ៣៣អា ស្ថិតនៅភូមិកែវក្រសាំង សង្កាត់កែប ក្រុង កែប ខេត្តកែប ។

មានមតិសំណេះសំណាលក្នុងពិធីបើកការដ្ឋាននាឱកាសនោះ ឯកឧត្ដម សោម ពិសិដ្ឋ មានប្រសាសន៍ថា ការបើកការដ្ឋានជួសជុល និងចាក់បេតុងអាមេលើផ្លូវមួយខ្សែនេះ គឺអនុវត្តន៍តាមផែនការអភិវឌ្ឍន៍ខេត្ត ដើម្បីរួម ចំណែកសម្រាល និងបំពេញតម្រូវការរបស់បងប្អូនប្រជា ពលរដ្ឋក្នុងមូលដ្ឋាន ក៏ដូចជាអ្នកធ្វើដំណើរឆ្លងកាត់ ដែលកន្លងមកតែងជួបនូវការលំបាក ម្យ៉ាងទៀតក៏ជាការ ចូលរួមចំណែក កែលម្អ សោភ័ណភាព ក្នុងក្រុងកែប ផងដែរ។

ឯកឧត្តមបានបន្ថែមទៀតថា នេះជាសកម្មភាពមួយដោយអនុវត្តតាមគោលនយោ បាយជាតិដែលមានសម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ដែលតែងតែគិតគូរពីសុខទុក្ខបងប្អូនគ្រប់ពេល វេលា ដោយផ្តោតសំខាន់លើ មនុស្ស ទឹក ផ្លូវ ភ្លើង។ ផ្លូវនេះពិតជាមានសារសំខាន់ណាស់ ចំពោះបងប្អូនប្រជាពលរដ្ឋក្នុងតំបន់អាចធ្វើដំណើរឆ្លងកាត់តាមផ្លូវនេះទៅកាន់ឆ្នេរកែប ឬដឹកជញ្ជូនកសិផលទៅកាន់ទីផ្សារតាមផ្លូវនេះ បានយ៉ាងឆាប់រហ័ស និងងាយស្រួល។

ឯកឧត្ដម អភិបាលខេត្ត ក៏បានផ្តាំផ្ញើដល់អាជ្ញាធរក្នុងមូលដ្ឋាន ក៏ដូចជាបងប្អូនប្រជាពលរដ្ឋសូមចូលរួមសហការគ្នា ថែរក្សា និងដាំដើមឈើ នៅតាមបណ្ដោយផ្លូវនេះ ដើម្បីបង្កើតនូវសោភ័ណ ភាព និងជាប្រយោជន៍សាធារ ណៈបានយូរអង្វែង។

ឯកឧត្តម បានអំពាវនាវ ដល់បងប្អូនប្រជាពលរដ្ឋ ជាពិសេស ឪពុកម្ដាយ ដែលមានកូនចាប់ពីអាយុ១២ឆ្នាំ ដល់អាយុក្រោម១៨ឆ្នាំ សូមនាំកូនទៅទទួលវ៉ាក់សាំងបង្ការជំងឺកូវីដ-១៩ ឱ្យបានគ្រប់ៗគា្ន និងត្រូវចូលរួមអនុវត្តវិធានការ ៣ការពារ ៣កុំ ទើបមិនមានការឆ្លងរីករាលដាលនៃជំងឺកូវីដ-១៩ នៅក្នុងសហគមន៍៕

(ប្រភព៖ មន្ទីរព័ត៌មានខេត្តកែប)


 
គេហទំព័រ WWW.KMSTVONLINE.COM ទីស្នាក់ការកណ្តាល : លេខ៤៨អឺ០ ភូមិ៣ ផ្លូវ៣៤៨ សង្កាត់បឹងកេងកង៣ ខណ្ឌបឹងកេងកង ភ្នំពេញ ទំនាក់ទំនង Tele: 012 880 593